Helpu'r sector i ffynnu 

Yn fwy nag erioed, mae sefydliadau treftadaeth yn ceisio datblygu eu defnydd o dechnoleg ddigidol fel y gallant symud tuag at ddyfodol mwy gwydn a chreadigol. Mae ein menter Sgiliau Digidol ar gyfer Treftadaeth gwerth £4.1miliwn wedi'i chynllunio i'w helpu i ffynnu. 

Ers ei lansio yn 2020, rydym wedi cefnogi prosiectau, gweithgareddau ac adnoddau sydd wedi'u cynllunio i adlewyrchu anghenion amrywiol, lleoliadau, meintiau a lefelau profiad digidol sefydliadau treftadaeth.  

Cael y wybodaeth ddiweddaraf

Cofrestrwch i'n cylchlythyr a thiciwch y blwch 'digidol' i gael y newyddion diweddaraf am Sgiliau Digidol ar gyfer Treftadaeth i'ch mewnflwch.

Sut rydym yn eich helpu

Canolfan adnoddau digidol

Mae timau o Gymdeithas Marchnata'r Celfyddydau, Prifysgol Leeds a'r Gynghrair Treftadaeth wedi ymchwilio ac ymgynghori â'r sector i ddod o hyd i 100 o gwestiynau digidol pwysicaf sefydliadau. Cyhoeddir yr atebion ar eu Hyb Treftadaeth Ddigidol.

Cymorth gydag arloesi, menter a chynllunio busnes

Er bod eu Hacademi Ddigidol Treftadaeth, Charity Digital Trust, yn helpu sefydliadau treftadaeth i ddefnyddio digidol o fewn cynllunio strategol a gweithredol. Edrychwch ar eu gwefan i ymuno â hyfforddiant, gweminarau a digwyddiadau am ddim.

Sgiliau digidol i arweinwyr

Mae'r ail rownd o Arwain y Sector – a helpodd ymddiriedolwyr a swyddogion gweithredol o bob rhan o'r sector treftadaeth i ehangu galluoedd digidol eu sefydliadau – wedi dod i ben, ond gallwch barhau i wylio recordiadau o'r gweminarau ar sianel YouTube Culture24. Darllenwch ein cyfweliadau gyda chyfranogwyr o rownd gyntaf y rhaglen a blog a ysgrifennwyd gan Anra Kennedy o Culture24. Mae offeryn 'llwybr' arweinyddiaeth newydd wedi ei greu i helpu arweinwyr treftadaeth eraill.

Datblygu sgiliau digidol

Roedd rhaglenni Digital Heritage Lab a Heritage Digital yn cynnig hyfforddiant, gweminarau ac adnoddau i helpu sefydliadau treftadaeth i ddatblygu eu galluoedd digidol ar draws ystod o feysydd – gan gynnwys marchnata, creu cynnwys a diogelu data. Mae llawer o recordiadau ac adnoddau gwych ar gael ar eu gwefannau.

Cymunedau rhwydweithiol a gwirfoddoli digidol

Rydym wedi ariannu wyth rhwydwaith i gefnogi cymunedau ymarfer i gyfuno adnoddau ac arbenigedd o amgylch ardaloedd treftadaeth penodol. Bydd y rhwydweithiau'n agor pynciau treftadaeth i ystod ehangach o bobl.

Rydym hefyd wedi ariannu 17 o brosiectau a fydd yn creu cannoedd o rolau gwirfoddoli digidol ar draws y sector. Bydd y cyfleoedd ar-lein ac yn bersonol, gan gefnogi gwirfoddolwyr i gyfrannu – a datblygu – eu sgiliau digidol. Bydd sefydliadau treftadaeth yn ennill safbwyntiau a sgiliau pobl nad ydynt efallai wedi cael y cyfle i wirfoddoli o'r blaen.

Mae un o'r sefydliadau sydd wedi'u hariannu drwy ein grantiau gwirfoddoli digidol – Vocal Eyes – wedi cynhyrchu Mynediad Treftadaeth 2022, adroddiad ar hygyrchedd gwefannau amgueddfeydd a threftadaeth y DU. Nod yr offeryn meincnod cysylltiedig yw helpu sefydliadau i nodi arferion gorau ar draws gwahanol ranbarthau ac annog cydweithio a rhannu gwybodaeth. 

Canlyniadau arolwg DASH

Archwiliwch ganlyniadau ein hail arolwg Agweddau Digidol a Sgiliau ar gyfer Treftadaeth (DASH). Mae'r arolwg a'r adroddiad hwn yn ein helpu i ddeall ac ymateb i anghenion y sector.

Ein canllawiau digidol

Rydym wedi cynhyrchu canllawiau digidol am ddim i helpu sefydliadau treftadaeth i ddechrau mewn meysydd digidol allweddol:

• Briff i arweinwyr ar dreftadaeth ddigidol: Deallusrwydd Artiffsial
• Gwneud cynnwys ar-lein yn hygyrch i bawb
• Diogelwch a phreifatrwydd ar-lein
• Gweithio gyda phlant a phobl ifanc ar-lein
• Dechrau arni gyda dysgu ar-lein
• Gweithio gyda thrwyddedau agored
• Creu adnoddau digidol: GDPR, hawlfraint a defnyddio trwyddedu agored
• Cynllunydd prosiect digideiddio, llawlyfr ac enghreifftiau

Darganfyddwch fwy o adnoddau digidol, gwybodaeth ddefnyddiol, prosiectau digidol gwych a diweddariadau menter isod: