Bwlch cyflog rhwng y rhywiau
| Atodiad | Maint |
|---|---|
| Gender pay gap report 2022-2023 | 552.53 KB |
| Gender pay gap report 2021-2022 | 950.7 KB |
| Gender pay gap report 2020-2021 | 110.37 KB |
| Gender pay gap report 2019-2020 | 109.13 KB |
| Gender pay gap report 2018-2019 | 134.63 KB |
| Gender pay gap report 2017-2018 | 161.75 KB |
| Gender pay gap report 2016-2017 | 40.13 KB |
Mae'r Gronfa Treftadaeth wedi ymrwymo i ddatblygu cydraddoldeb o fewn y sefydliad a chwrdd â'n cyfrifoldebau statudol. Isod ac yn y PDF sydd ynghlwm rydym yn rhannu gwybodaeth am ein bwlch cyflog rhwng y rhywiau ar gyfer 2021-2022. Mae'r gwaith hwn yn bwysig i ni ac rydym yn defnyddio gwasanaethau arbenigwr allanol, XpertHR, i gefnogi ein dadansoddiad o ddata.
Fel gyda chyflogwyr eraill, cymerir ein data o 'giplun' o'r gweithlu ym mis Mawrth 2022, yr adroddir arno blwyddyn wedyn.
Gallwch lawrlwytho adroddiadau sy'n mynd yn ôl i 2016–2017 o'r dudalen hon.
Bwlch cyflog rhwng y rhywiau ar gyfer 2021–2022
Ein bwlch cyflog canolrifol rhwng y rhywiau yw 8.45%, gostyngiad sylweddol o 4.65% ers y cyfnod blaenorol.
Ein bwlch cyflog cymedr rhwng y rhywiau yw 12.2%, gostyngiad o 13.7% ers ein hadroddiad bwlch cyflog rhwng y rhywiau diwethaf.
Mae'n bwysig cofio nad yw'r bwlch cyflog rhwng y rhywiau yr un fath â thâl cyfartal. Mae'r bwlch cyflog rhwng y rhywiau yn edrych ar y gwahaniaeth mewn tâl cyfartalog rhwng yr holl ddynion a menywod yn y gweithlu. Mae tâl cyfartal yn ymwneud â gwahaniaethau mewn tâl rhwng dynion a menywod sy'n gwneud yr un gwaith neu waith cyfwerth.
Bwlch cyflog canolrifol rhwng y rhywiau y Gronfa Treftadaeth
|
Blwyddyn |
Bwlch cyflog canolrifol rhwng y rhywiau |
|
2018–2019 |
17.4% |
|
2019–2020 |
12.1% |
|
2020–2021 |
13.1% |
|
2021–2022 |
8.45% |
Cyfrifir tâl ar sail rhywedd drwy asesu gwahaniaethau rhwng chwartelau tâl rhwng dynion a menywod. Yn y Gronfa Treftadaeth mae gennym anghydbwysedd rhywedd yn ein gweithlu (mae dros 75% o'n pobl yn fenywod), sy'n cyfrannu'n fawr at ein bwlch cyflog rhwng y rhywiau.
Canran y dynion/merched yn ein gweithlu yn ôl chwartel tâl
|
Chwartel |
Dynion |
Menywod |
|
Isaf |
14.77% |
85.23% |
|
Canol isaf |
25% |
75% |
|
Canol uchaf |
27.27% |
72.37% |
|
Uchaf |
37.93% |
62.07% |
Gwahaniaethau cyflog rhwng y rhywiau rhwng dynion/menywod yn ôl chwartel tâl
|
Chwartel |
Gwahaniaeth |
Dynion/menywod yn derbyn llai |
|
Isaf |
0% |
- |
|
Canol isaf |
5.06% |
Dynion |
|
Canol uchaf |
0.3% |
Dynion |
|
Uchaf |
1% |
Menywod |
Data pellach
Ceir mwy o fanylion am y data a gasglwyd gennym, a sut y defnyddir cyfartaleddau canolrifol a chymedr i fesur y bwlch cyflog rhwng y rhywiau, yn y PDF 2021–2022 ar y dudalen hon.
Ymdrin â'n bwlch cyflog rhwng y rhywiau
Rydym yn cydnabod na ddylai fod gennym fwlch cyflog rhwng y rhywiau a'n bod yn ymrwymedig i archwilio, dadansoddi a thaclo'r ffactorau niferus sy'n ei achosi.
Ers ein hadroddiad diwethaf - ochr yn ochr ag amrywiaeth o newidiadau fel rhan o'n gwaith ehangach i hyrwyddo cydraddoldeb, amrywiaeth a chynhwysiad – rydym wedi:
- ffocysu ein dyfarniad cyflog 2021–2022 i gefnogi dilyniant o ran tâl, yn enwedig i unigolion ar chwartelau tâl is ac mewn amrediadau is
- penodi swydd newydd Arweinydd Cydraddoldeb a Diwylliant y Gweithlu i siapio a gyrru ein gweithredoedd yn well
Yn y flwyddyn i ddod, byddwn yn ceisio lleihau ein bwlch cyflog rhwng y rhywiau ymhellach drwy flaenoriaethu:
- creu gweithgor bwlch cyflog rhwng y rhywiau newydd i fynd ati i nodi, dadansoddi, deall a thaclo ffactorau sy'n achosi gwahaniaethau cyflog
- yn amodol ar gyfyngiadau tâl y sector cyhoeddus, parhau i ffocysu dyfarniadau cyflog yn y dyfodol i gefnogi ein pobl ar chwartelau is ac mewn amrediadau cyflog is
- parhau i ddadansoddi data'r gweithlu'n rheolaidd er mwyn helpu i wella ein gwaith monitro a gwneud penderfyniadau