Coetiroedd Bach yng Nghymru
Cafodd y dudalen ei diweddaru ar 21 Chwefror 2024. Gweler yr holl ddiweddariadau.
Pwysig
Mae'r rhaglen hon bellach ar gau i geisiadau newydd. Archwiliwch ein cyllid sydd ar gael.
Ai dyma’r cynllun iawn i chi?
- Ydych chi’n berchen ar dir yng Nghymru, neu’n rheoli tir yng Nghymru, neu wedi cael caniatâd ysgrifenedig gan berchennog y tir i wneud cais ar gyfer y cynllun hwn?
- Ydych chi’n ystyried creu Coetir Bach sy’n glynu wrth egwyddorion Earthwatch?
- Allwch chi gynnwys y gymuned wrth greu a rheoli safle eich coetir?
- Oes angen grant o hyd at £40,000 arnoch ar gyfer un safle, neu hyd at £250k ar gyfer safleoedd lluosog?
Os ydych chi wedi ateb yn gadarnhaol i’r cwestiynau hyn, mae’r cynllun Coetiroedd Bach yng Nghymru yn addas i chi.
Trosolwg
Mae’r angen i helpu adferiad natur yn fater brys. Mae gofalu am natur a helpu pobl i ddeall ei phwysigrwydd yn fwy perthnasol nag erioed.
Mae Coetiroedd Bach yn gynllun grant fel rhan o'r rhaglen Coedwig Genedlaethol i Gymru. Rydym yn cynnig grantiau rhwng £10,000 a £40,000 ar gyfer safleoedd (hyd at £250,000 ar gyfer safleoedd lluosog) sy’n cadw at Egwyddorion Coetiroedd Bach.
Beth yw’r Goedwig Genedlaethol i Gymru?
Menter a arweinir gan Lywodraeth Cymru yw Coedwig Genedlaethol i Gymru. Bydd yn creu rhwydwaith o goetiroedd a choedwigoedd ar draws Cymru, o dan reolaeth ansawdd uchel.
Bydd y Goedwig Genedlaethol yn ymestyn ar hyd a lled Cymru. Bydd yn cynnwys ardaloedd trefol a gwledig ill dau – gydag ymrwymiad i greu Coetiroedd Bach a safleoedd coetir Coedwig Genedlaethol i Gymru.
Bydd yn sicrhau amrywiaeth enfawr o fuddion i’r amgylchedd, yr economi a chymdeithas fel a ganlyn:
- bydd yn gwneud cyfraniad pwysig o ran gwarchod natur a mynd i’r afael â mater colli bioamrywiaeth
- bydd yn cynyddu gwaith cynhyrchu pren a dyfir yn lleol - gan ganiatáu i’r diwydiant coedwigaeth lleol ffynnu, creu swyddi a lleihau dibyniaeth ar bren wedi’i fewnforio
- bydd yn darparu mwy o lefydd lle gall pobl ymgolli ym myd natur a threulio amser gyda’u ffrindiau a’u teuluoedd, ac yn rhoi hwb i dwristiaeth ledled Cymru
- bydd yn cefnogi iechyd a llesiant cymunedau - enghraifft weithredol o Ddeddf Llesiant Cenedlaethau’r Dyfodol
Ewch i'n gwasanaeth ar-lein i wneud cais nawr a gwiriwch yr adrannau 'sut i wneud cais' isod.
Newidiadau i’r canllawiau hyn
Byddwn yn adolygu’r canllawiau hyn yn rheolaidd ac yn ymateb i adborth defnyddwyr. Rydym yn cadw’r hawl i wneud newidiadau yn ôl y gofyn. Byddwn yn cyfathrebu unrhyw newidiadau cyn gynted â phosibl drwy’r dudalen we hon.
11 Medi 2023: eglurhad ynghylch cysylltiadau'r rhaglen hon â rhaglen Coedwig Genedlaethol i Gymru.
6 Hydref 2023: Ychwanegwyd templed costau newydd.
19 Rhagfyr 2023: diweddariad i'r neges wybodaeth ar frig y dudalen.
21 Chwefror 2024: Mae dyddiadau ymgeisio wedi'u diweddaru, ac mae arweiniad cyllideb newydd wedi'i ychwanegu fel tudalen ar wahân. Mae'r nodiadau cymorth ymgeisio wedi'u hychwanegu oherwydd bod ein ffurflenni cais wedi newid. Mae'r gofynion ar gyfer y nodweddion ffisegol wedi'u cyfuno yn yr adran 'Beth yw Coetiroedd Bach?'.
Caiff Grant Coetiroedd Bach yng Nghymru ei ariannu gan Lywodraeth Cymru a’i reoli gan Gronfa Dreftadaeth y Loteri Genedlaethol.
