Sut y byddwn yn helpu'r gymuned dreftadaeth yn ystod pandemig coronafeirws (COVID-19)

Erthygl gan

01/04/2020

Dyma Eilish McGuinness yn rhannu â ni sut y byddwn ni yng Nghronfa Dreftadaeth y Loteri Genedlaethol yn helpu'r gymuned dreftadaeth i wrthsefyll y pandemig COVID-19 - ac yn adfer yn y dyfodol.

Rydym oll, ym mhob agwedd ar ein bywydau, yn byw mewn cyfnod digyffelyb o ansicrwydd a heriau wrth inni wynebu pandemig COVID-19 a'i effeithiau byrdymor a hirdymor

Gwn fod hyn yn cael ei deimlo'n gryf iawn o fewn y gymuned dreftadaeth. Gwta wythnosau'n ôl, roeddem yn edrych ymlaen at barhau i ariannu, cefnogi a dathlu llwyddiannau miloedd o brosiectau ym mhob cymuned ledled y DU.

Bellach, mae pob lle, pob person a phob prosiect yr ydym yn gweithio gyda nhw yn wynebu dyfodol gwahanol ac ansicr iawn.

Ein treftdaeth gwerthfawr

Mae'r mesurau ymbellhau cymdeithasol hanfodol sydd wedi'u rhoi ar waith wedi gweld safleoedd treftadaeth yn cau, a gwirfoddoli a phrosiectau wedi'u hatal gyda mynediad i'n byd naturiol yn gyfyngedig iawn. Fodd bynnag, rydym hefyd wedi gweld rhai ymatebion digidol gwirioneddol greadigol yn dechrau dod i'r amlwg wrth i sefydliadau treftadaeth archwilio sut y gallant rannu eu treftadaeth ar-lein a rhoi mynediad i bobl mewn ffordd wahanol.

Rhywbeth cadarnhaol arall y mae'n rhaid i ni ei gymryd o hyn yw'r emosiynau a welir wrth i bobl cael eu pellhau o'u treftadaeth yn sydyn. Mae pobl yn rhannu eu cariad, eu pryderon a'u hiraeth am eu hoff safleoedd, eu hoff fywyd gwyllt, eu hoff grwpiau a llawer mwy. Mae wedi dangos pa mor boblogaidd yw ein treftadaeth a pha mor bwysig ydyw i'n llesiant a’n cymunedau.

"Mae wedi dangos pa mor boblogaidd yw ein treftadaeth a pha mor bwysig ydyw i'n llesiant a’n cymunedau."

Mae hefyd wedi dangos ymroddiad ac angerdd pawb sy'n ymwneud â'r sector. Mae’r ymrwymiad yn mynd i fod yn hollbwysig wrth inni i gyd wynebu'r penderfyniadau anodd a'r gwaith caled o lywio'r argyfwng yma. Rydym yn falch o weithio gyda chi i gyd.

Ymateb i’ch pryderon

Wythnos diwethaf, cawsom dros 1,250 o ymatebion i'n harolwg yn gofyn am eich barn a'ch pryderon ar effaith argyfwng COVID-19. Diolch yn fawr iawn, mae hyn wedi ein helpu’n fawr i lywio sut y gallwn ni helpu.

Ac, wrth weithio drwy ein hymateb, rydym yn gweithio ochr yn ochr â'r Llywodraeth y DU a’r llywodraethau datganoledig, arianwyr eraill a sefydliadau treftadaeth fel bod y cymorth a'r gefnogaeth a gynigiwn yn darparu'r canlyniad gorau posibl ar gyfer treftadaeth. Rydym am i sefydliadau treftadaeth gael mynediad i'r cymorth brys mwyaf priodol ac osgoi dyblygu unrhyw gymorth.

Dyma beth yr ydym yn mynd i'w wneud

Yn gyntaf oll, byddwn yn parhau i gefnogi'r miloedd o brosiectau (dros 2,500) sydd gennym eisoes wrth gyflwyno a datblygu ledled y DU. O ganlyniad i argyfwng COVID-19 byddwn yn helpu'r prosiectau hynny i adolygu a deall eu hanghenion, trafod newidiadau o ran cwmpas neu gost a, lle y bo'n bosibl, bod yn hyblyg o ran taliadau, amodau grant a gofynion adrodd yn ôl.

Cronfa Argyfwng Treftadaeth

Yn ogystal, er mwyn helpu i ymateb i'r argyfwng uniongyrchol ac effaith o gau dros dro ar lawer o safleoedd treftadaeth a cholli refeniw, rydym yn lansio Cronfa Argyfwng Treftadaeth gwerth £50 miliwn. Bydd yr arian tymor byr brys yma’n helpu i fynd i'r afael â'r pwysau dros y 3-6 mis nesaf ar gyfer y rhai mwyaf anghenus.

"Bydd yr arian tymor byr brys yma’n helpu i fynd i'r afael â'r pwysau dros y 3-6 mis nesaf ar gyfer y rhai mwyaf anghenus.”

Ac, wrth ymateb i adborth uniongyrchol gan y sector, byddwn yn cyflymu ein darpariaeth o arbenigedd a chymorth digidol ar gyfer treftadaeth, gan gynyddu ein buddsoddiad i ddarparu gwybodaeth a chymorth technegol mewn meysydd fel codi arian ar-lein, defnyddio'r cyfryngau cymdeithasol, seilwaith technoleg a defnyddio dyfeisiau. Rydym wedi ymrwymo i gefnogi sefydliadau treftadaeth i ddatblygu sgiliau digidol a thechnegol newydd a fydd yn helpu i lywio drwy'r cyfnod anodd yma.

Credwn fod yn rhaid i ni flaenoriaethu'r cyllid brys yma tuag at ddiogelu'r buddsoddiadau rydym eisoes wedi'u gwneud mewn treftadaeth; i helpu lle nad oes llawer o fynediad, os o gwbl, at ffynonellau eraill o gymorth; lle mae'r dreftadaeth fwyaf mewn perygl; a lle mae sefydliad mewn perygl o fethu oherwydd yr argyfwng. Pan fyddwn yn dod o'r argyfwng yma, rydym am i'n treftadaeth werthfawr fod yn hygyrch unwaith eto i bob cymuned ledled y DU.

Yn ystod yr ychydig fisoedd nesaf felly, bydd ein holl gymorth yng Nghronfa Dreftadaeth y Loteri Genedlaethol yn canolbwyntio ar gefnogi sefydliadau treftadaeth drwy'r argyfwng yma. Fel rhan o'r ymagwedd yma ac i greu'r Gronfa Argyfwng Treftadaeth, rydym wedi penderfynu oedi cyn dyfarnu grantiau newydd drwy Grantiau Treftdaeth y Loteri Genedlaethol am y chwe mis nesaf. Rydym hefyd yn gohirio ein Grantiau Treftdaeth Gorwelion tan 2021/22.

Byddwn yn cyhoeddi rhagor o fanylion am feini prawf y Gronfa Argyfwng Treftadaeth dros y dyddiau nesaf, a chadwch olwg ar ein gwefan am y newyddion diweddaraf.

Gweithio gyda’n gilydd

Rydym hefyd yn gweithio gyda phartneriaid treftadaeth ledled y DU, gan ymuno â nhw fel y gallwn eich cefnogi yn y ffordd orau bosibl. Byddwn yn parhau i rannu unrhyw fanylion pellach a newidiadau gyda chi.

"Ar draws ein holl dimau lleol, rydym am weithio gyda chi i sicrhau ein bod yn dychwelyd ein treftadaeth yn ôl i'n cymunedau yn y cyflwr gorau posibl inni i gyd ei mwynhau ar ôl i'r argyfwng yma ddod i ben."

Ar draws ein holl dimau lleol, rydym am weithio gyda chi i sicrhau ein bod yn dychwelyd ein treftadaeth yn ôl i'n cymunedau yn y cyflwr gorau posibl inni i gyd ei mwynhau ar ôl i'r argyfwng yma ddod i ben.

Bydd yn siwrnai anodd. Rydym yn cydnabod na fyddwn yn gallu helpu pawb ym mhob ffordd, ond rydym yn gweithio mor galed ag y gallwn i helpu cymaint ag y gallwn. Daliwch ati i siarad gyda ni – rydyn ni’n gwrando.

Cadwch yn saff.

Eilish

Efallai y bydd gennych chi ddiddordeb hefyd mewn ...

Lansio Cronfa Argyfwng Treftadaeth i helpu'r sector

01/04/2020

Mae Cronfa Dreftadaeth y Loteri Genedlaethol wedi rhoi cronfa o £50miliwn at ei gilydd i gefnogi'r sector treftadaeth fel ymateb ar unwaith i'r achosion o'r clefyd coronafeirws (COVID-19).

Bydd y Gronfa ledled y DU yn rhoi sylw i bwysau uniongyrchol dros y tri i chwe mis nesaf ar gyfer y sefydliadau hynny sydd â'r angen mwyaf. Mae'n agored i geisiadau tan 30 Mehefin.

Byddwn yn parhau i gefnogi mwy na 2,500 o brosiectau yr ydym eisoes wedi ymrwymo iddynt – sy’n fuddsoddiad o fwy na £1biliwn.

Dywedodd Eilish McGuinness, Cyfarwyddwr Gweithredol, Cyflenwi Busnes, Cronfa Dreftadaeth y Loteri Genedlaethol: "Rydym yn gwybod bod amgylchiadau yn heriol iawn i'n cymuned dreftadaeth ar hyn o bryd ac rydym am wneud popeth o fewn ein gallu i'w cefnogi. Rydym yn gobeithio y bydd y Gronfa Argyfwng newydd hon a'n buddsoddiad mewn gallu digidol yn achubiaeth i'r sefydliadau yr effeithir arnynt.

"Mae gan dreftadaeth ran hanfodol i'w chwarae wrth wneud cymunedau'n llefydd gwell i fyw ynddynt, gan greu ffyniant economaidd a chefnogi iechyd a llesiant. Mae pob un o'r rhain yn mynd i fod yn hanfodol bwysig wrth i ni ddod o'r argyfwng presennol yma."

Cronfa Argyfwng Treftadaeth

Bydd y Gronfa gwerth £50m ar gael ar gyfer grantiau rhwng £3,000 a £50,000.

Mae ar gael i sefydliadau ar draws yr ystod eang o dreftadaeth, gan gynnwys safleoedd hanesyddol, treftadaeth ddiwydiannol a morwrol, amgueddfeydd, llyfrgelloedd ac archifdai, parciau a gerddi, tirweddau a natur.

Gall sefydliadau sydd wedi cael arian yn y gorffennol ac sydd naill ai'n derbyn grant ar hyn o bryd, neu sy'n dal i fod o dan gontract yn dilyn grantiau blaenorol, wneud cais.

Rhoddir blaenoriaeth lle gwelir:

ychydig neu ddim mynediad at ffynonellau eraill o gymorth
lle mae'r dreftadaeth yn y perygl mwyaf
os yw sefydliad mewn perygl o argyfwng ariannol difrifol o ganlyniad i COVID-19

Canllawiau:

Erbyn hyn, rydym wedi cyhoeddi canllawiau ar wneud cais am y Gronfa Argyfwng Treftadaeth.
Mae’n rhaid i ymgeiswyr fod yn:

sefydliad dielw, a
derbynnydd presennol neu flaenorol o grant yn uniongyrchol gennym, ac
yn berchennog, rheolwr neu’n gynrychiolydd ar dreftadaeth, neu'n gallu dangos eich bod wedi cyflawni gweithgarwch treftadaeth cyfranogol

Y broses ymgeisio:

Mae ymgeisio am Grant Argyfwng Treftadaeth yn wahanol i'r ffordd arferol o wneud cais am grant.
Rhaid llenwi'r ffurflen mewn un cynnig, gan na ellir ei chadw a’i harbed. Mae'n bwysig eich bod yn paratoi deunydd eich cais cyn i chi ddechrau.

Cyn i chi wneud cais, mae’n rhaid i chi:

ddod o hyd i'ch rhif cyfeirnod grant blaenorol.
ddod o hyd i wybodaeth ariannol presennol eich sefydliad.
Darllen canllawiau'r Gronfa Argyfwng Treftadaeth.
Paratoi eich atebion i'r cwestiynau ar y ffurflen gais.
Baratoi unrhyw ddogfennau ategol.
Cwblhewch a chyflwynwch y ffurflen gais.

Ar ôl i chi wneud cais:

Byddwn yn anfon e-bost atoch i roi gwybod i chi bod eich cais wedi'i gyflwyno.
Fel rhan o'r e-bost yma, byddwn yn anfon cyfarwyddiadau atoch ar sut i lanlwytho eich dogfennau ategol.
Cyflwyno unrhyw ddogfennau ategol drwy ymateb i'r e-bost. Rydym yn argymell eich bod yn gwneud hyn cyn gynted ag y byddwch yn derbyn cyfarwyddiadau, i'n helpu i brosesu eich cais.
Byddwn yn gwirio bod manylion eich cais yn gywir.
Byddwn yn ystyried eich cais ac yn rhoi penderfyniad i chi o fewn pythefnos i bedair wythnos.

Llu o gymorth ychwanegol

Gwyddom fod y mwyafrif o sefydliadau treftadaeth yn wynebu gorfod cau dros dro, fydd yn cael effaith ddifrifol ar eu refeniw a phrinder staff. Mae llawer yn wynebu bygythiadau i'w dyfodol hirdymor. Mae canran fechan yn ofni na fyddant yn gallu para i'r haf.

Dyma pam ein bod yn cymryd camau yn y tymor byr, canolig a thymor hir i gefnogi'r heriau sy'n eich wynebu a'r gallu i wrthsefyll ac adfer yn y tymor hwy.

Yn ogystal â'r Gronfa Argyfwng Treftadaeth, byddwn hefyd yn cefnogi'r sector yn y ffyrdd canlynol:

cyflymu'r broses o ddarparu ein menter sgiliau digidol gwerth £1.2miliwn ar gyfer treftadaeth i helpu'r sector drwy'r argyfwng a thu hwnt
drwy barhau i gefnogi'r 2,5000 o brosiectau rydym eisoes wedi ymrwymo i ariannu
drwy fod mor hyblyg â phosibl i'n grantïon presennol
darparu cyngor a chymorth pwrpasol
Ymrwymiad o £2miliwn i'n rhwydwaith o ymgynghorwyr ROSS yn y flwyddyn ariannol newydd. Byddwn yn cyfeirio'r cymorth hwnnw at sefydliadau sydd mewn angen. Wrth wneud hynny rydym hefyd yn helpu rhai cannoedd o bobl llawrydd a phobl hunan-gyflogedig.
gweithio'n agos gyda'r Llywodraeth, arianwyr eraill a sefydliadau treftadaeth i ddwyn ynghyd y gefnogaeth i'r sector
yn y tymor hwy, rydym wedi buddsoddi £4miliwn mewn dwy raglen datblygu menter ledled y DU ar gyfer arweinwyr treftadaeth, a rhaglenni cymorth busnes ym mhob un o'r pedair gwlad. Bydd rhagor o wybodaeth am hyn cyn bo hir.

Oedi grantiau newydd

Er mwyn mynd i'r afael â'r argyfwng, rydym wedi gwneud y penderfyniad i atal pob cais am grant newydd ar unwaith.

Bydd y Gronfa Argyfwng Treftadaeth yn cynnwys arian a ddargyfeirir o grantiau newydd.

Grantiau Treftdaeth Gorwelion

Bydd penderfyniadau ar ariannu'r Grantiau Treftdaeth Gorwelion yn cael eu gohirio o fis Mawrth 2020 i'r flwyddyn ariannol 2021-2022.

Ni fyddwn yn agor rownd arall o gyllid ar gyfer Grantiau Treftdaeth Gorwelion.

Ein hymateb

Roedd ein hymateb yn seiliedig ar ymgynghori ar draws y sector, gan gynnwys mwy na 1,250 o ymatebwyr i'n harolwg.

Dywedodd 82% o'r ymatebwyr fod risg uchel neu gymedrol i hyfywedd hirdymor eu sefydliad
Ni all 46% o sefydliadau oroesi am ddim mwy na chwe mis
Roedd 75% o ymatebwyr am gael mwy o hyblygrwydd i brosiectau/grantiau presennol
Gofynnodd 53% am gyllid brys

Y camau nesaf

Dim ond y camau cyntaf yw hyn yn ein hymateb i achos y coronafeirws (COVID-19). Bydd rhagor o fanylion yn cael eu rhyddhau dros amser.

Diolch i bawb a ymatebodd i'n harolwg ac i bawb sydd wedi bod mewn cysylltiad. Byddwn yn parhau i wrando arnoch, ac yn rhoi'r wybodaeth ddiweddaraf i chi am y datblygiadau.

Efallai y bydd gennych chi ddiddordeb hefyd mewn ...

Sut mae coronafeirws yn effeithio ar y sector treftadaeth

31/03/2020

Dyma air gan ein Pennaeth Ymchwil, Data a Mewnwelediad i'r arolygon a helpodd i ni lywio ein hymateb i'r achos coronafeirws (COVID-19).

Mae'r argyfwng coronafeirws eisoes wedi cael effaith seismig ar ein bywydau.

Yn gyntaf oll i'r bobl y mae eu hiechyd – ac iechyd eu teuluoedd, ffrindiau a chydweithwyr – wedi cael eu heffeithio. Ac i unrhyw un sydd wedi teimlo pryder neu ofn neu anesmwythder cyffredinol am ein byd sy’n cau oherwydd cyngor y llywodraeth i aros gartref.

Daw’r ail effaith yn sgil ein sector ni fel rhan o'r economi ehangach – yn gryno, sut y gallwn oroesi'r argyfwng yma, a sicrhau bod ein hasedau a'n sefydliadau treftadaeth yn gallu ffynnu yn y dyfodol?

Yfory (dydd Mercher 1 Ebrill) byddwn yn rhyddhau manylion ein Cronfa Argyfwng Treftadaeth. Roedd yn ganlyniad i waith cyflym y tu ôl i'r llenni – a dau arolwg sydd wedi ein helpu i ddarganfod mwy am sut mae ymgeiswyr, grantïon a phobl ar draws y sector yn teimlo.

Hoffwn ddiolch yn fawr iawn i bawb a ymatebodd i'r arolygon a rhoi o'ch amser i ddweud wrthym am yr effaith ar eich sefydliad. Cawsom ymateb ysgubol ac mae eich adborth wedi chwarae rhan bwysig iawn yn nyluniad y Gronfa Argyfwng Treftadaeth.

Ein Arolwg o Sefydliadau Treftadaeth

Dechreuwyd casglu tystiolaeth anecdotaidd o'r effaith ar rai o'r sefydliadau rydym yn eu cefnogi wrth i'r mesurau ymbellhau cymdeithasol cychwynnol gael eu cyhoeddi. Ond daeth yn amlwg yn gyflym fod angen i ni glywed gan fwy o'n ffrindiau a'n cydweithwyr yn y sector. Un o'n hymatebion cyntaf i'r argyfwng felly oedd cychwyn ymchwil gyda grantïon a sefydliadau treftadaeth i ddeall yn iawn yr effaith yr oedd y feirws a'r mesurau cysylltiedig yn ei chael.

Agorodd yr arolwg ddydd Gwener 20 Mawrth a daeth i ben am 5pm ddydd Gwener 27 Mawrth. Ar 24 Mawrth, cyhoeddodd y Prif Weinidog Boris Johnson ei fod yn rhoi cyfyngiadau symud llym iawn ar boblogaeth y DU.

Anfonom yr arolwg at 1,424 o grantïon oedd wedi derbyn grant o dros £250,000 o fewn y 10 mlynedd diwethaf. Gwnaethom hefyd gyhoeddi'r ddolen ar ein gwefan a'i rhannu ar gyfryngau cymdeithasol.

Cawsom 1,253 o atebion, ac o'r rheini dychwelodd 479 drwy e-bost. Daeth yr atebion o bob rhan o'r DU, traws-sector a maint y sefydliad. Diolch i bawb a gymerodd ran.

Cynhaliwyd yr ymchwil yn ystod cyfnod o newid cyflym a chawsom ymatebion drwy gydol yr wythnos. Mae hynny'n golygu bod y cyfyngiadau sydd yn eu lle a'r cymorth sydd ar gael wedi amrywio o bosibl i wahanol ymatebwyr. Mae hyn yn rhywbeth i'w gadw mewn cof wrth i chi ddarllen y canfyddiadau, ond credwn fod yr ymatebion yn dal i roi cipolwg amhrisiadwy.

Y canfyddiadau allweddol:

Mae effaith epidemig coronafeirws yn effeithio ar y DU gyfan. Gwelsom y cafodd 98% o sefydliadau eu heffeithio o fewn y tair wythnos gyntaf a disgwyliai'r 2% oedd yn weddill gael rhywfaint o effaith yn y dyfodol. Nid oedd gwahaniaethau arwyddocaol ar draws y wlad, nac ar draws y sector.

Bydd yr effaith ariannol yn uchel:

Dywedodd 91% o'r ymatebwyr eu bod wedi gorfod canslo digwyddiadau
Mae 69% yn cael eu heffeithio gan golli refeniw
Nododd 82% o sefydliadau risg uchel neu gymedrol i'w hyfywedd hirdymor. Mae'r ffigur hwnnw'n codi i 90% ymysg sefydliadau elusennol, trydydd sector neu breifat.

Roedd yr effaith ar sefydliadau yn ein sector hefyd yn glir o'r ymatebion i'r arolwg:

Roedd 71% yn disgwyl y byddai'n rhaid iddynt gau i'r cyhoedd
Mae 55% yn cael eu heffeithio gan ddiffyg gwirfoddolwyr sydd ar gael
Mae 49% yn cael eu heffeithio gan absenoldeb staff
Mae 49% yn gweld gostyngiad yn nifer yr ymwelwyr

Bydd yr hanner blwyddyn nesaf yn allweddol i barhad llawer o'n sefydliadau treftadaeth. Os yw'r sefyllfa bresennol yn parhau, dywedodd 37% o'r sefydliadau a ymatebodd wrthym na allant oroesi am ddim mwy na chwe mis, gydag 11% yn dweud na allant barhau am ddim mwy na dau fis.  

Dywedodd tua thraean o fudiadau elusennol/trydydd sector a thua thraean o grwpiau cymunedol a gwirfoddol na allent fodoli y tu hwnt i fis Gorffennaf.

Beth ddylen ni fod yn ei wneud?

Nid oedd llawer o'n hymatebwyr yn siŵr a oeddent yn gymwys i wneud cais am gymorth ehangach gan y llywodraeth, sy'n adlewyrchu'r ffaith mai megis dechrau y mae llawer o bolisïau, neu, yn wir, eu bod wedi’u cyhoeddi yn ystod y cyfnod yr oedd yr arolwg yn fyw.

Roedd y rhan fwyaf o'r ymatebwyr am gael mwy o hyblygrwydd ar gyfer prosiectau/grantiau presennol, roedd 58% eisiau cyllid adnewyddu oherwydd colli refeniw, ac roedd 52% am gael arian brys.

Mae'r adborth yma wedi bod yn hollbwysig yn ystod y dyddiau diwethaf wrth i'r Gronfa Dreftadaeth wneud penderfyniadau ynghylch y ffordd orau o ymateb.

Arolwg o gyrff bywyd gwyllt a chefn gwlad

Gwnaethom hefyd gomisiynu arolwg cyfochrog drwy Wildlife and Countryside Links, a gynhaliwyd rhwng 20 a 24 Mawrth, felly mae'r canlyniadau'n ymwneud â'r cyfnod cyn y cyhoeddiad 'aros gartref' gorfodol gan y Prif Weinidog. Anfonwyd yr arolwg at fwy na 100 o aelodau ledled y DU a daeth 60 o ymatebion yn ôl.

Roedd effaith yr argyfwng yr un fath ag yr oedd yn ein harolwg cyntaf – gyda 98% o'r sefydliadau yn cael eu heffeithio, a 2% yn disgwyl cael eu heffeithio.

Unwaith eto, disgwylir i'r effaith ariannol a threfniadol fod yn sylweddol:

Mae 61% yn cael eu heffeithio gan golli refeniw 
Mae 56% yn cael eu heffeithio gan absenoldeb staff 
Mae 58% yn cael eu heffeithio gan ddiffyg gwirfoddolwyr sydd ar gael

Ein camau nesaf

Rydym wedi defnyddio'r ymatebion hyn i'n helpu i gyfeirio ein camau nesaf, y byddwn yn eu cyhoeddi yfory. Mae ein staff arbenigol yn gweithio gyda'i gilydd i helpu'r sector gymaint ag y gallwn, ac rydym yn siŵr eich bod chithau hefyd. Mae croeso i chi gysylltu ag unrhyw bryderon.

Mae'r argyfwng yn dangos, er bod y sector treftadaeth yn ddygn ac yn cael ei redeg gan bobl angerddol a galluog – ei fod hefyd yn rhan o ecosystem bregus. Dangosodd yr ymchwil bod sefydliadau bach a mawr yn wynebu her sylweddol o'u blaenau.

Nid i'n sector ni'n unig y mae'r bygythiad, ond i'r dreftadaeth fendigedig yr ydym yn gofalu amdani ar gyfer y genhedlaeth nesaf.

Rydym felly wedi defnyddio canfyddiadau'r ymchwil i deilwra ein cyllid argyfwng i'r sefydliadau sydd yn y perygl mwyaf.

Byddwn yn awr hefyd yn dadansoddi canfyddiadau manwl yr arolwg gydag adrannau'r llywodraeth a'n partneriaid yn y sector er mwyn asesu'r opsiynau ar gyfer ymateb ar y cyd ehangach. Yn olaf, dangosodd yr arolwg fod angen i ni helpu i sicrhau bod sefydliadau treftadaeth yn gallu gwneud defnydd llawn o fentrau sylweddol y Trysorlys a Chyllid a Thollau ei Mawrhydi a gyhoeddwyd eisoes.

Diolch eto am gymryd yr amser i ymateb i'n galwad am dystiolaeth.

Arwydd o obaith yw bod sefydliadau treftadaeth a'u staff, gwirfoddolwyr a chefnogwyr yn rhannu casgliadau a syniadau ar-lein o'u cartrefi.

Efallai ar ôl i'r cyfyngiadau ddod i ben, cawn gyfle i ddathlu a mwynhau unwaith eto popeth yr ydym wedi'i golli yn ystod y misoedd diwethaf.

Efallai y bydd gennych chi ddiddordeb hefyd mewn ...

Economic insight into the impact of COVID-19

31/03/2020

This briefing summarises The National Lottery Heritage Fund’s evidence of the economic impact of the coronavirus (COVID-19) on heritage UK wide.

Since 1994, The National Lottery has raised more than £40billion for good causes in the areas of heritage, arts, sport, and community. In practice this means The National Lottery Heritage Fund is the largest dedicated grant funder of the UK’s heritage. Since 1994, £8bn has funded more than 44,000 projects across the UK. We support the full breadth of heritage, from historic sites and areas, industrial and maritime, museums, libraries and archives and parks and gardens, landscapes and nature.

Heritage-based tourism is worth £20.2bn to the UK economy per annum. Overseas visitors to UK cultural, historic and natural heritage attractions spend more than double per visit (an average of £560) compared with their domestic overnight counterparts (an average of £210 per trip) (our research, 2016).

On 20 March we emailed a short questionnaire to understand the impact of the COVID-19 crisis on the organisations we support who have received a grant of £250,000 or more in the last 10 years. This survey was also issued externally to the sector through our communication activity. The survey closed on 27 March and we received 1,253 responses.

We also commissioned a parallel survey via Wildlife and Countryside Link and their sister LINKS across the UK. The survey was sent to their 100+ members and generated 60 responses.

Atodiad	Maint
Economic Impact of Coronovirus March 2020	304.21 KB

eNGO Coronavirus Impact Survey Report

31/03/2020

Between 20 and 24 March 2020, Wildlife and Countryside Link (Link) worked with, NI Environment Link, Scot Link and Wales Environment Link and our members to conduct a UK-wide survey of the impact of the coronavirus on the environment sector.

The aim of the survey was to help DEFRA, the statutory agencies, devolved administrations, and grant funders, like the National Lottery Heritage Fund, to assess the effect that the coronavirus is currently having, and is expected to have, on the funding and operations of environment organisations across the UK. We also gathered input from the environment sector on the support and funding that would be most valuable from Defra and grant providers at this critical time.

Key findings

Our finding are clear. The outbreak poses a threat to:

frontline functions: conservation, access and animal welfare;
scientific and policy work; and
the short-term and long-term viability of a significant proportion of the environment sector.

Several of the organisations surveyed said they were already at a particularly vulnerable time financially before the coronavirus pandemic, due to extra costs from dealing with recent storm and flooding crises. Many organisations with visitor attraction sites are highly reliant on the income they generate, and they see their reserves being quickly consumed with no revenue coming in from these venues.

In the short-term, significant redundancies may need to be made, unless adequate support is provided quickly. There is a high level of concern among environmental and conservation charities about whether and how the government-funded 80% staff furlough scheme, and other support offered to businesses, will apply to charities.
There is a clear need for emergency and replacement funding, and flexibility on grant deadlines and targets, from environmental.

Lansio Cronfa Argyfwng Treftadaeth i helpu'r sector

01/04/2020

Mae Cronfa Dreftadaeth y Loteri Genedlaethol wedi rhoi cronfa o £50miliwn at ei gilydd i gefnogi'r sector treftadaeth fel ymateb ar unwaith i'r achosion o'r clefyd coronafeirws (COVID-19).

Bydd y Gronfa ledled y DU yn rhoi sylw i bwysau uniongyrchol dros y tri i chwe mis nesaf ar gyfer y sefydliadau hynny sydd â'r angen mwyaf. Mae'n agored i geisiadau tan 30 Mehefin.

Byddwn yn parhau i gefnogi mwy na 2,500 o brosiectau yr ydym eisoes wedi ymrwymo iddynt – sy’n fuddsoddiad o fwy na £1biliwn.

Cronfa Argyfwng Treftadaeth

Bydd y Gronfa gwerth £50m ar gael ar gyfer grantiau rhwng £3,000 a £50,000.

Gall sefydliadau sydd wedi cael arian yn y gorffennol ac sydd naill ai'n derbyn grant ar hyn o bryd, neu sy'n dal i fod o dan gontract yn dilyn grantiau blaenorol, wneud cais.

Rhoddir blaenoriaeth lle gwelir:

ychydig neu ddim mynediad at ffynonellau eraill o gymorth
lle mae'r dreftadaeth yn y perygl mwyaf
os yw sefydliad mewn perygl o argyfwng ariannol difrifol o ganlyniad i COVID-19