Mae'n nodi sut rydym yn:

• disgwyl buddsoddi tua £1.2 biliwn yn nhreftadaeth y DU
• yn cyflwyno portffolio symlach o wneud grantiau
• canolbwyntio fwyfwy ar lesiant, meithrin gallu ac arloesi (yn genedlaethol ac yn rhyngwladol), ymhlith eraill
• archwilio'r defnydd o fuddsoddiad cymdeithasol
• ymrwymo i fwy o ddatganoli wrth wneud penderfyniadau

Blaenoriaethau ar gyfer treftadaeth

O fewn ein hymagwedd eang at dreftadaeth yn gyffredinol, rydym wedi nodi dau faes blaenoriaeth sy'n canolbwyntio arnynt yn ystod y cyfnod hwn o bum mlynedd:

• tirweddau a natur
• treftadaeth gymunedol

Canlyniad gorfodol

Gofynnwn i bob prosiect gyflawni ein canlyniad cynhwysiant newydd: "bydd ystod ehangach o bobl yn ymwneud â threftadaeth".

Blaenoriaethau wedi'u hailffocysu ar gyfer treftadaeth 2021-22

Mae treftadaeth y DU yn wynebu ei bygythiad mwyaf difrifol ers yr Ail Ryfel Byd. Mae'r risgiau i safleoedd treftadaeth, atyniadau a sefydliadau o golli incwm sydyn a dramatig o ganlyniad i bandemig y coronafeirws (COVID-19) wedi rhoi'r economi treftadaeth ac ymwelwyr mewn argyfwng, ac mae angen ymateb brys.

Rydym yn cefnogi treftadaeth y DU i addasu a ffynnu eto drwy ein Blaenoriaethau ar gyfer Grantiau Treftadaeth y Loteri Genedlaethol 2021-22.