Local Places for Nature
Nod y Prosiect Llwybrau Gwyrdd oedd gwella lles pobl a darparu amgylcheddau a allai fod o fudd wrth adfer bywyd gwyllt.
Gan weithio'n agos gyda phobl leol a phartneriaid cymunedol, bu'r prosiect hefyd yn helpu pobl i deimlo perchnogaeth ar eu mannau cymunedol lleol a'u gorsafoedd trên a bod yn falch ohonynt.
Sgowtiaid lleol, a nhw wnaeth blannu'r planwyr.
Llun: Trafnidiaeth Cymru.
Cyflwynwyd dros 300 o nodweddion gwyrdd ar draws rhwydwaith gorsafoedd Cymru, gan gynnwys:
- planwyr a basgedi crog
- coed a nodweddion ar gyfer tyfu cymunedol
- casgenni dwr
- cynefinoedd bywyd gwyllt fel cychod gwenyn, tai adar, blychau ystlumod, gwestai chwilod, tai draenogod a thai buchod coch cwta
Hyfforddwyd 176 o wirfoddolwyr i helpu i osod, plannu a chynnal a chadw'r nodweddion hyn. Crëwyd chwe grŵp mabwysiadwyr gorsaf, gan sicrhau bod pobl leol wedi'u hymrwymo i'r gwaith o ofalu amdanynt.
Rhannodd TrC waith y prosiect, gan annog pobl i gymryd rhan trwy ddigwyddiadau ymgysylltu cymunedol, diwrnodau plannu a gwirfoddoli, sgyrsiau a hyfforddiant mewnol.
Yn ogystal, creodd partneriaid cymunedol bum safle gwyrdd:
- gwellodd Sefydliad Enbarr CIC fannau gwyrdd yn eu hadeilad John Summers yng Nglannau Dyfrdwy
- creodd Ymddiriedolaeth Pentref Cambrian ardd gymunedol, gan osod blychau bywyd gwyllt yng Nghwm Clydach
- gosodwyd planwyr cymunedol, gardd berlysiau a mwy yn neuadd bentref Ffynnon Taf
- trawsnewidiodd cymdeithas rhandiroedd Bron Fair ardaloedd segur yn ardd hygyrch ac ardaloedd tyfu cymunedol
- creodd Hyb Cymunedol Twyn ardd eco gymunedol Baner Werdd
lleol. Llun: Trafnidiaeth Cymru.
Meddai Dr Louise Moon, Rheolwr Treftadaeth ac Effaith Gynaliadwy TrC: “Rydym yn falch o fod wedi gweithio gyda llawer o grwpiau cymunedol a gwirfoddolwyr, gan eu cefnogi gyda'u huchelgeisiau i greu mannau gwyrdd ar gyfer bywyd gwyllt a phobl. Ein dyhead nawr, a bob amser, yw y bydd trafnidiaeth yn cyfrannu’n gadarnhaol at ein cymunedau a’n hamgylchedd, nawr ac yn y dyfodol.”
Creodd Llwybrau Gwyrdd fodel y gall Trafnidiaeth Cymru ei ddefnyddio i ychwanegu nodweddion sy’n llesol i fywyd gwyllt at fwy o orsafoedd ar ei rhwydwaith a chreu cysylltiadau â phartneriaid cymunedol. Gan adeiladu ar lwyddiant y prosiect hwn, ers hynny mae Trafnidiaeth Cymru wedi derbyn grant arall o £100,000 ar gyfer prosiect coetiroedd cymunedol.
Cefnogwyd y prosiect hwn trwy'r cynllun Lleoedd Lleol i Natur, a gyflwynir gan y Gronfa Treftadaeth ar ran Llywodraeth Cymru.
