Nod yr ymchwil hon oedd archwilio'r effaith strategol y mae buddsoddiad Cronfa Treftadaeth y Loteri wedi'i chael ar dirweddau a natur. Edrychodd hefyd ar y sefydliadau sy'n hyrwyddo natur dros yr 20 mlynedd diwethaf. 

Dadansoddodd ein hymchwilwyr ddata dyfarnu grantiau rhwng 1994 a Mawrth 2017. Cyfwelwyd hefyd ag 20 o randdeiliaid allweddol o bob rhan o'r DU. Mae'r ymchwil yn cynnwys astudiaethau achos, data dyfarnu grantiau a dyfyniadau gan y nifer fawr o bobl a gyfwelwyd.

Mae Cronfa Treftadaeth y Loteri wedi buddsoddi mwy na £765miliwn mewn prosiectau tirwedd a natur.

Mae'r cyllid hwn wedi helpu i:

• adfer a gwarchod cynefinoedd sydd dan fygythiad
• arbed rhywogaethau rhag difodiant
• helpu i ailgysylltu pobl â thirweddau a natur
• caffael tir i wella ei gadwraeth
• gwella bioamrywiaeth drefol a mannau gwyrdd
• hyrwyddo gwyddoniaeth dinasyddion
• ennyn diddordeb gwirfoddolwyr
• cefnogi datblygiad sgiliau