Carreg Fawr, cartref yr artist Brenda Chamberlain ar Ynys Enlli
Your Heritage
Dyddiad a ddyfarnwyd
Lleoliad
Aberdaron
Ceisydd
Bardsey Island Trust
Rhoddir y wobr
£40000
Mae ein hariannu wedi helpu i warchod murluniau a baentiwyd gan yr artist, y bardd a'r awdur o Gymru, Brenda Chamberlain a'i chartref ar Ynys Enlli oddi ar arfordir Pen Llŷn.
Symudodd Brenda Chamberlain i Enlli yn 1947 a bu'n byw yn Carreg Fawr - adeilad sy'n dyddio'n ôl i'r 1870au - lle peintiodd ei murluniau.
Yn ystod y cyfnod hwn tra y bu hi yn byw ar yr ynys ddiarffordd, enillodd y ddwy fedal aur gelfyddyd gain gyntaf a ddyfarnwyd gan Eisteddfod Genedlaethol Cymru.
Mae'r grant a ddyfarnwyd i Ymddiriedolaeth Ynys Enlli wedi caniatau i'r gwaith canlynol ddigwydd:
- cadw a sefydlogi'r murluniau, a oedd yn dirywio oherwydd lleithder yn y waliaun
- atgyweiriadau i'r systemau to, draenio a gwresogi i sicrhau dyfodol hirdymor y murluniau
- cyflogi arbenigwyr i sicrhau safon uchel o waith, ond hefyd yn cynnwys gwirfoddolwyr a ddysgodd sgiliau newydd a fydd yn helpu'r murluniau i gael gofal gwell yn y dyfodol
- codi ymwybyddiaeth o'r artist a'r murluniau drwy arddangosfa am fywyd a gwaith Chamberlain ac 'wythnosau agored' yn y tŷ i annog ymwelwyr i ddod i weld y murluniau
- creu pecyn athrawon yn cynnwys gwybodaeth am Chamberlain, yr ynys a'i gwaith i rannu'r rhan hon o dreftadaeth ddiwylliannol Cymru gyda chenhedlaeth newydd
Dywedodd Caroline Jones o Ymddiriedolaeth Ynys Enlli: "Roedd yr arian yn ein galluogi i achub murluniau Brenda Chamberlain yn ogystal â Carreg Fawr a thŷ arall ar Ynys Enlli.
"Mae'r murluniau yn bendant yn rhan bwysig o hanes Ynys Enlli ac mae cael yr arian i'w hamddiffyn wedi bod yn fendith."
