NEWYDD! Canllawiau wedi'u diweddaru a dyddiad cau ar gyfer ceisiadau

Rydym wedi diweddaru'r canllawiau hyn a'r dyddiad cau ar gyfer ceisiadau ar 18 Mehefin i gynnwys y newidiadau canlynol:

• Wrth i sefydliadau baratoi ailagor, byddwn yn talu'r costau sy'n gysylltiedig â gwneud hyn yn ddiogel ac yn unol â chanllawiau'r Llywodraeth.
• Yn ogystal â chostau sy'n hanfodol i sefydlogi eich sefydliad, byddwn yn talu costau sy'n deillio o baratoi i adfer, gan gynnwys adolygiadau strategol o fodelau busnes, cynlluniau gweithredu a busnes, a buddsoddiad i alluogi darparu gwasanaethau yn ddigidol. Mae'r canllawiau hyn bellach yn cynnwys mwy o enghreifftiau o gostau adfer i'ch helpu i gynllunio'ch cais.
• Mae'r Gronfa Argyfwng Treftadaeth (grantiau £3,000-£50,000 a £50,000-£250,000) bellach ar agor tan
  hanner dydd, 31 Gorffennaf, 2020. Dyma'r dyddiad cau terfynol ar gyfer ceisiadau.
• Byddwn yn cyhoeddi rhagor o gyfleoedd ariannu ym mis Gorffennaf.

Trosolwg

Rydym yn darparu pecyn o gefnogaeth i'r sector treftadaeth fel ymateb i'r argyfwng coronafeirws (COVID-19).

Mae hyn yn cynnwys mwy o gyngor a chefnogaeth, sgiliau tymor hwy a mentrau meithrin gallu, a Chronfa Argyfwng Treftadaeth gwerth £50 miliwn i ddarparu cyllid brys i'r rhai mwyaf anghenus.

Mae Cronfa Dreftadaeth Argyfwng yn derbyn ceisiadau ar gyfer dwy lefel grant, £3,000 i £50,000 neu £50,000 i £250,000, i gostau gwasanaeth brys yn ystod y cyfnod anodd yma.

Mae'r meini prawf a'r blaenoriaethau ymgeisio yn wahanol ar gyfer pob lefel o gyllid.

Mae'r canllawiau hyn ar gyfer grantiau o £3,000 i £50,000 i helpu sefydliadau i ddelio â risgiau uniongyrchol a dod yn fwy sefydlog. Rydym wedi bod yn gweithio'n agos gyda phartneriaid a rhanddeiliaid ac rydym wedi penderfynu ymestyn cyfnod y cyllid yma fel y gallwn barhau i ddarparu cymorth. Bydd y ffurflen gais bellach ar gael tan hanner dydd, 31 Gorffennaf 2020.

Rydym yn gweithio'n agos gyda phartneriaid a rhanddeiliaid a byddwn yn adolygu'r amserlen yma yn unol ag angen a galw. Rydym yn disgwyl galw mawr am y gronfa a byddwn yn rhoi blaenoriaeth cyllid yn erbyn y rhestr meini prawf isod.

Mae'r broses ymgeisio yn cael ei amlinellu isod.

Pwy all wneud cais?

Fel dosbarthwr y Loteri Genedlaethol, rydym yn rhoi blaenoriaeth i gyllid brys yn y sector treftadaeth. Rydyn ni am ddiogelu safleoedd a sefydliadau treftadaeth rydyn ni wedi buddsoddi ynddynt o'r blaen i sicrhau nad ydyn nhw'n cael eu colli i'r cyhoedd.

Mae'n rhaid i chi fodloni pob un o'r tri maen prawf uchod i wneud cais am gyllid drwy Gronfa Argyfwng Treftadaeth. Os na fyddwch yn cwrdd â'r meini prawf hyn, efallai y byddwch yn gymwys i gael cymorth arall wrth inni ddatblygu ein cefnogaeth strategol tymor hwy neu fentrau eraill.

Nid ydym yn derbyn ceisiadau gan:

• sefydliadau statudol, er enghraifft, awdurdodau lleol, hyd yn oed os ydych wedi derbyn arian gennym yn flaenorol
• perchnogion preifat treftadaeth, hyd yn oed os ydych chi wedi derbyn cyllid gennym ni o'r blaen
• sefydliadau sydd o'r blaen ddim ond wedi derbyn cyllid gennym ni ar gyfer grantiau prosiect o £10,000 neu lai
• sefydliadau sydd â pherthynas ariannu uniongyrchol ag adrannau o'r Llywodraeth ac yn eu noddi. Dylai'r sefydliadau hyn fynd at y cyrff sy'n eu noddi i gael unrhyw gymorth ychwanegol yn hytrach na gwneud cais i'r Gronfa Argyfwng Treftadaeth.
• sefydliadau a ariennir yn bennaf gan Lywodraethau'r DU a llywodraethau datganoledig
• sefydliadau sydd eisoes wedi derbyn cyllid brys gan ddosbarthwr arall o'r Loteri Genedlaethol, oni bai eich bod yn gallu cyflwyno achos clir bod angen pob grant i dalu am weithgarwch penodol sy'n berthnasol i bob dosbarthwr. Fel rhan o'n ffocws ar gynyddu effaith buddsoddiad Achosion Da y Loteri Genedlaethol mewn cymunedau i'r eithaf, dylai sefydliadau sydd wedi'u hariannu gan wahanol arianwyr y Loteri Genedlaethol, yn y lle cyntaf, ddewis y gronfa fwyaf perthnasol a gwneud cais iddynt yn unig.

Sut y byddwn yn blaenoriaethu ceisiadau?

Rydym yn disgwyl llawer o alw am y cyllid yma, a byddwn yn blaenoriaethu sefydliadau:

• sydd â mynediad cyfyngedig i ffynonellau eraill o gymorth, er enghraifft, oddi wrth lywodraethau, dosbarthwyr eraill y Loteri Genedlaethol, arian brys arall o ymddiriedolaethau a sefydliadau
• eisoes wedi rhoi cynnig ar opsiynau eraill i roi'r gorau i fod mewn perygl megis rhoi prosiectau ar stop dros dro, ailgyflwyno cerrig milltir, ail-greu cyllid arall i gefnogi gweithrediadau o ddydd i ddydd, lleihau costau ond gwneud y mwyaf o swyddogaeth prosiectau presennol (peirianneg gwerth)
• mewn mwy o berygl ariannol o COVID-19 oherwydd dibyniaeth ar ffrydiau incwm masnachu neu godi arian yn y gymuned
• mewn mwy o berygl ariannol oherwydd y cronfeydd wrth gefn cyfyngedig

Byddwn hefyd yn blaenoriaethu:

• sefydliad sy’n cyfrannu at ein canlyniadau o ran adfywio economaidd, cynhwysiant a llesiant, fel y diffiniwyd yn ein Fframwaith Ariannu Strategol.
• Mae sefydliad yn gweithio o fewn un neu fwy o'r 13 maes ffocws a nodwyd gennym yn ein Fframwaith Ariannu Strategol.
• treftadaeth sydd yn y perygl mwyaf*

*Mae treftadaeth mewn perygl yn cael ei diffinio fel:

• treftadaeth sy'n debygol o gael ei cholli, ei difrodi neu ei hanghofio
• treftadaeth sydd wedi'i dynodi 'mewn perygl'
• safleoedd treftadaeth ffisegol sy'n pydru neu'n cael eu hesgeuluso
• treftadaeth sydd mewn perygl oherwydd anhawster ariannol
• treftadaeth anniriaethol ac arferion diwylliannol a allai gael eu colli
• cynefinoedd a rhywogaethau pwysig sy'n dirywio

Wrth asesu ceisiadau, byddwn hefyd yn ystyried y gwahaniaeth sylweddol y mae ein cymorth yn debygol o'i wneud yng nghyd-destun y sefydliad, ei faint a'i berthynas â maint y risg yr ydych yn ei hwynebu a'r dreftadaeth yr ydych yn gofalu amdani. Rydym yn gweithio gyda llywodraethau a chyllidwyr eraill i ystyried pa gymorth arall allai fod ar gael lle na fydd ein cyllid yn ddigon i fynd i'r afael â'r heriau a wynebir.

Oherwydd y galw uchel am y math yma o gyllid, bydd sefydliadau yn llai o flaenoriaeth o ran cymorth os ydynt:

• mewn sefyllfa well i gael arian brys o ffynonellau eraill
• materion cydnerthu sylweddol a pharhaus cyn argyfwng COVID-19. Os yw hyn yn berthnasol i'ch sefydliad chi, rydym yn argymell eich bod yn trafod y materion hyn gyda'ch tîm lleol, oherwydd efallai y byddwn yn gallu darparu cyngor a chymorth drwy ein mentrau strategol tymor hwy.
• cwblhau prosiect diwethaf Cronfa Dreftadaeth y Loteri Genedlaethol dros 10 mlynedd yn ôl.

Beth fyddwn ni'n ei ariannu?

Mae'r Gronfa Argyfwng Treftadaeth yn gyllid tymor byr i gefnogi'r camau gweithredu sydd eu hangen ar unwaith i sefydlogi gweithrediadau a rheoli risgiau na ellir eu rhagweld.

Gallwch wneud cais i ni am grant rhwng £3,000 a £50,000 i dalu costau na ellir eu hosgoi fel arall, ni fyddwch yn gallu cwrdd am hyd at bedwar mis.

Efallai y byddwch hefyd am wneud cais am weithgaredd a fydd yn helpu eich sefydliad i ddechrau adfer a dilyn arweiniad gan y Llywodraeth.

Gallai hyn gynnwys cynyddu eich gweithgareddau digidol yn ystod y cyfnod yma, profi ac ymgynghori ar weithgareddau newydd a fydd yn helpu adferiad eich sefydliad, ac adolygu eich cynlluniau gweithredu strategol.

Nid oes angen cyllid partneriaeth.

Rydym am gefnogi sefydliadau i fynd i'r afael â risgiau uniongyrchol, i'ch helpu i fod yn fwy sefydlog a gweithio tuag at adferiad tymor hwy.

Fel canllaw gallech wneud cais i ni am gostau i:

• sefydlogi eich sefydliad yn y tymor byr i sicrhau nad yw'r dreftadaeth hanfodol yr ydych yn gofalu amdani yn cael ei rhoi mewn perygl pellach gan COVID-19 (er enghraifft, costau staff i'ch galluogi i ymateb, dylunio a chyflawni cynlluniau)
• eich helpu i gynllunio a chychwyn rhoi o'r neilltu (neilltuo neu dynnu'n ôl o ddefnydd) eich ased(au) treftadaeth a dulliau eraill o ddiogelu treftadaeth sydd mewn perygl
• cynnal adolygiadau rheoli risg ar unwaith a'r camau gweithredu y nodwyd bod eu hangen i warchod eich sefydliad yn ddiogel
• ad-drefnu'r cynlluniau busnes, y llywodraethu a'r gweithgarwch sydd eu hangen i helpu i ddiogelu dyfodol eich sefydliad
• talu costau gweithredol hanfodol, er enghraifft, diogelwch y safle, cynnal amodau hinsoddol ar gyfer casgliadau, neu reoli da byw ar gynefinoedd
• eich helpu i reoli eich safle yn ystod ymbellhau cymdeithasol. Gallai hyn gynnwys staff ychwanegol i helpu i reoli ciwiau, PPE ar gyfer staff a gwirfoddolwyr, hyfforddiant, glanhau ychwanegol, gweithredu dulliau talu digyswllt, neu strwythurau dros dro i helpu i reoli ymwelwyr, fel ar gyfer ciwiau neu doiledau ychwanegol
• cael cyngor gan weithwyr proffesiynol, er enghraifft ar risg, diogelwch, sut i gefnogi eich staff neu ar fodelau busnes newydd
• talu am offer TG hanfodol a chostau cysylltedd i gefnogi gweithio gartref a gweithgareddau i alluogi eich sefydliad i roi gwybodaeth ar-lein ac i ryngweithio â'ch cymuned/cwsmeriaid.

Beth fyddwn ni ddim yn ei ariannu?

• costau sy'n gymwys i gael eu cynnwys gan gymorth y Llywodraeth, er enghraifft,
• y costau cyflogau sy'n weddill i staff ffyrlo nad ydynt yn cael eu cynnwys yng nghynllun cadw swyddi'r Llywodraeth, neu unrhyw gostau cyflog ychwanegol uwchlaw'r cap ar ffyrlo
• costau diswyddo staff nad ydynt yn cael eu hariannu gan brosiect cyfredol Cronfa Dreftadaeth y Loteri Genedlaethol
• costau y gellir eu hosgoi yn y tymor byr. Byddwn yn rhoi gwybod i chi os ydym yn credu bod hyn yn wir ac yn tynnu'r rhain allan o'ch cais am grant
• costau y byddwch yn eu hysgwyddo y tu hwnt i bedwar mis o bwynt eich cais, efallai y byddwn yn ystyried rhai costau adfer sydd ychydig yn fwy hirdymor os yw hynny'n gwneud synnwyr i'ch sefydliad (er enghraifft, efallai y bydd angen mwy o amser ar adolygiadau cynlluniau busnes i ddeall effaith COVID-19)
• unrhyw beth sy'n mynd yn groes i gyngor Llywodraeth ar COVID-19
• TAW adenilladwy
• costau sy'n gysylltiedig â hyrwyddo achos neu gredoau sefydliadau gwleidyddol neu ffydd

Sut i wneud cais i'r Gronfa Argyfwng Treftadaeth

Cyn i chi wneud cais

Os yw eich prosiect Cronfa Dreftadaeth y Loteri Genedlaethol wedi'i gwblhau, siaradwch â'ch tîm ymgysylltu lleol am gyngor.

Os yw eich prosiect Cronfa Dreftadaeth y Loteri Genedlaethol yn dal i weithredu, rydym yn argymell eich bod yn siarad â'ch Rheolwr Buddsoddi cyn i chi ddechrau cais. Byddwn yn trafod yr opsiynau sydd ar gael i chi.

Os oes angen i chi wneud cais i ni am unrhyw gostau cyfalaf uniongyrchol ar gyfer prosiect sy'n bodoli eisoes o dan Gronfa Dreftadaeth y Loteri Genedlaethol, sicrhewch eich bod yn siarad â'ch Rheolwr Buddsoddi cyn i chi wneud cais. Efallai y byddwn yn gallu cynnig cynnydd yn eich grant presennol yn lle hynny.

Unwaith y byddwch wedi cyflwyno eich cais

Byddwn yn gwirio bod eich sefydliad a'ch cais yn bodloni'r meini prawf a amlinellir uchod. Os nad yw eich cais yn bodloni nodau'r Gronfa, efallai y caiff ei wrthod yn gynharach yn y cyfnod asesu, a byddwn yn rhoi gwybod i chi am hyn ar y pryd. Efallai y byddwn yn cysylltu â chi i gael rhagor o wybodaeth pan fyddwn yn dechrau asesu eich cais.

Byddwn yn dod yn ôl atoch gyda phenderfyniad o fewn pythefnos i bedair wythnos. Efallai y byddwn yn penderfynu cynnig swm gwahanol i chi i'r swm rydych chi'n gofyn amdano. Bydd eich dyfarniad grant yn cael ei gadarnhau'n ysgrifenedig.

Mae'r broses yma wedi'i chynllunio i fod mor gyflym a syml â phosibl, tra'n parhau i sicrhau bod ein harian yn cael ei ddyrannu i'r rheini sydd â'r angen mwyaf.

Os dyfernir grant i chi

Bydd angen i chi gyflwyno ffurflenni ychwanegol ar ein system er mwyn i ni allu gwneud taliad.

Byddwn yn rhoi gwybod i chi pan fydd angen i chi wneud hyn a'ch tywys drwy'r broses. Os dyfernir grant i chi, byddwn yn anfon llythyr dyfarnu grant newydd atoch a bydd angen i chi gwblhau ffurflen caniatâd i ddechrau. Pan fyddwch wedi cwblhau'r broses yma, byddwn yn talu 100% o'ch grant ymlaen llaw.

Ni fyddwn yn derbyn ailgyflwyniadau o dan y Gronfa Argyfwng Treftadaeth oherwydd natur uniongyrchol y cyllid yma.

Adrodd ar eich cynnydd

Hoffem i chi gadw mewn cysylltiad a rhoi gwybod i ni os yw'r risg i'ch sefydliad yn newid. Bydd hefyd dau bwynt lle bydd angen i chi adrodd yn ffurfiol i ni: unwaith yn ystod ac unwaith ar ddiwedd eich prosiect.

Rydym wrthi'n datblygu ein pecyn cymorth a byddwn yn gallu darparu cyngor a chyfleoedd cymorth busnes ar-lein a thrwy raglenni newydd a fydd yn cael eu lansio ar ôl i fesurau ymbellhau cymdeithasol gael eu lleddfu.

Rydym yn datblygu ein dull o ymdrin â chymorth brys yn ystod y cyfnod anodd yma a bydd eich profiad yn cael ei ddefnyddio i helpu i lywio ymyriadau brys gennym ni a'n partneriaid yn y dyfodol.

Gwerthuso effaith y Gronfa Argyfwng Treftadaeth

Byddwn ni, a phartneriaid eraill y Loteri Genedlaethol sydd hefyd yn cynnig cymorth mewn argyfwng, am allu olrhain yr effaith y mae hyn wedi'i chael ar sefydliadau, lleoedd a chymunedau unigol.

Byddwn yn rhoi gwerthusiad ar waith a bydd angen i chi gymryd rhan mewn peth casglu data syml i gefnogi hyn.

Diolch i chwaraewyr y Loteri Genedlaethol

Deallwn mai diogelu dyfodol eich treftadaeth, eich sefydliad a staff a gwirfoddolwyr fydd eich blaenoriaeth.

Er bod mesurau ymbellhau cymdeithasol ar waith, byddwn yn gofyn i ymgeiswyr llwyddiannus am grantiau weithio gyda ni i gydnabod eu bod wedi derbyn grant Cronfa Argyfwng Treftadaeth drwy ein gweithgareddau cyfathrebu, gan gynnwys cydnabod rôl y Loteri Genedlaethol.

Cymorth ychwanegol

Mae ffynonellau eraill o gymorth ac arian ar gael gan lywodraethau, ac mae'r rhain wedi'u rhestru ar ein gwefan.

Darllenwch ddatganiad hygyrchedd y Gronfa Argyfwng Treftadaeth

Darganfyddwch fwy am yGronfa Argyfwng Treftadaeth a darllenwch ein cwestiynau cyffredin