Dylai prosiectau sy'n cael eu hariannu gan y Gronfa Treftadaeth fel rhan o Trefi a Dinasoedd Natur ddefnyddio'r logo cloi a'r datganiad gorfodol i gydnabod eu grant.

Rhaid darparu cydnabyddiaeth ddwyieithog ar gyfer unrhyw brosiectau yng Nghymru.

Dylai cydnabyddiaeth gael ei rhoi ar bob gweithgaredd hyrwyddo, brandio a deunydd sy'n gysylltiedig â'r prosiect gan gynnwys:

• Gweithgarwch cysylltiadau cyhoeddus: er enghraifft; cyhoeddiadau grant, lansiadau neu ddatganiad i'r wasg carreg filltir, cyfweliadau, areithiau
• Digidol: er enghraifft; gwefannau, mewnrwydi, fideos a blogiau, cyflwyniadau, deunyddiau addysgol, cylchlythyrau
• Sianeli cyfryngau cymdeithasol: cydnabyddiaeth o'r ariannu mewn postiadau ar sianeli cyfryngau cymdeithasol: Facebook, Instagram, Twitter / X, TikTok, YouTube, LinkedIn
• Lansiadau, agoriadau, neu ddigwyddiadau carreg filltir, digwyddiadau pen-blwydd: deunyddiau gan gynnwys: gwahoddiadau, tocynnau, areithiau, bathodynnau, posteri, arwyddion, datganiadau i'r wasg, cyfweliadau â'r cyfryngau, rhoddion hyrwyddo, lifrai, dillad â brand arnynt, goleuo, gobos, cyflwyniadau, fideos, teisennau ac ati
• Hysbysebu: hysbysebion papur newydd, allan o gartref, teledu neu radio
• Deunyddiau printiedig: er enghraifft; posteri, taflenni, pamffledi, tocynnau, gwahoddiadau a baneri, mapiau, cardiau post
• Deunyddiau corfforaethol: adroddiadau blynyddol, adroddiadau effaith, dogfennau tendr
• Arwyddion ar gyfer adeiladau, adeileddau neu ofodau allanol: gan gynnwys arwyddion corfforaethol dros dro a pharhaol, arwyddion cyfeirio, byrddau arianwyr, placiau, sticeri ffenestr, fflagiau a baneri, matiau drws
• Ariannu staff neu leoliadau gwaith: disgrifiadau swydd neu hysbysebion swydd, lifrai staff

Cydnabod eich ariannu gyda logo cloi Trefi a Dinasoedd Natur