Mae amgueddfeydd yn wynebu amrywiaeth o bwysau sy'n effeithio ar sut maen nhw'n gofalu am gasgliadau sydd wedi'u storio ac yn darparu mynediad iddynt:

• mae capasiti storio wedi cyrraedd ei derfyn: mae 60% o amgueddfeydd yn adrodd bod eu storfeydd eisoes yn llawn

• mae'r rhan fwyaf o'r casgliadau mewn storfeydd: mae 71% o amgueddfeydd yn cadw mwy na hanner eu heitemau mewn storfeydd

• mae cyflyrau yn aml islaw safonau'r sector: dim ond 15% sy'n bodloni safonau gofal a chadwraeth arfer gorau 

• mae ôl-groniadau dogfennaeth yn cyfyngu ar gydnerthedd a mynediad: mae bylchau mewn rhestrau eiddo a chatalogau'n cyfyngu ar y gallu i reoli risgiau, cynllunio gofod, rhesymoli a mynediad

• mae casgliadau’n parhau i dyfu ac mae rhesymoli ar ei hôl hi: mae 83% yn casglu’n weithredol, mae 65% yn bwriadu rhesymoli ond ni waredodd 47% unrhyw beth dros y flwyddyn ddiwethaf 

• mae mynediad cyhoeddus i gasgliadau sydd wedi'u storio yn gyfyngedig: dim ond 2% sy'n cynnig mynediad agored a thrwy apwyntiad y ceir mynediad gan mwyaf

Mae'r ymchwil hon yn tynnu sylw at yr angen am arweinyddiaeth gydlynol, buddsoddi wedi'i dargedu a ffocws cryf ar gynllunio casgliadau, rhesymoli a sgiliau. Mae'n annhebygol y bydd storio ar ffurf adeiladau ar ei phen ei hun yn cyflawni newid parhaol.

Y camau nesaf

Byddwn yn gweithio mewn cydweithrediad â sefydliadau ar draws y sector i ddeall ymhellach ble y gallai camau gweithredu strategol ac wedi'u targedu gefnogi amgueddfeydd.