Cydnabod a dathlu eich grant
| Atodiad | Maint |
|---|---|
Gweld Acknowledgement toolkit as PDF(6.44 MB) |
6.44 MB |
Beth yw cydnabyddiaeth?
Os dyfernir grant i chi gan Gronfa Treftadaeth y Loteri Genedlaethol, rhaid i chi gydnabod ein cefnogaeth yn gyhoeddus.
Mae cydnabod eich grant yn ffordd o ddiolch i chwaraewyr y Loteri Genedlaethol a chydnabod yr ariannu a wnaeth eich prosiect yn bosibl. Mae hefyd yn helpu i ddangos effaith ariannu'r Loteri Genedlaethol, fel y gallwn barhau i gefnogi prosiectau fel eich un chi yn y dyfodol.
Ydych chi wedi derbyn grant gan un o'n mentrau strategol neu raglenni cymorth grant? Darganfyddwch sut i gydnabod menter strategol ac ariannu nad yw'n dod o'r Loteri Genedlaethol.
Lawrlwytho ein pecyn cymorth cydnabyddiaeth
Mae ein pecyn cymorth cydnabyddiaeth yn cynnwys popeth y bydd ei angen arnoch i gynllunio'ch cydnabyddiaeth.
Ein stamp a logos cydnabyddiaeth
Rhaid i chi ddefnyddio ein stamp cydnabyddiaeth yn amlwg ar bob agwedd o'ch prosiect.
Rhaid defnyddio'r stamp ynghyd â'r neges 'Diolch i chwaraewyr y Loteri Genedlaethol’ yn glir lle gall pobl eu gweld.
Lawrlwytho ein stampiau cydnabyddiaeth.
Sut i ddefnyddio ein henw
Defnyddiwch Cronfa Treftadaeth y Loteri Genedlaethol yn llawn mewn teitlau, penawdau ac wrth ein crybwyll am y tro cyntaf mewn areithiau neu gyfweliadau.
Os oes angen i chi ein crybwyll ni eto, gallwch ddefnyddio Cronfa Treftadaeth neu y Gronfa Treftadaeth. Wrth ysgrifennu ein henw fel hyn, defnyddiwch 'y' bach.
Peidiwch â defnyddio talfyriadau fel CTYLG.
Ble i gydnabod eich grant
Dylech gydnabod eich grant yn unrhyw le y bydd y cyhoedd yn gweld neu'n clywed am eich prosiect.
Mae pob prosiect yn wahanol felly ni fydd popeth yn y pecyn cymorth yn berthnasol i chi. Mae'r lleoliadau rydym fel arfer yn disgwyl i chi gydnabod eich grant yn cynnwys:
- Gwefannau, blogiau a fideos
- Cyfryngau cymdeithasol
- Datganiadau i'r wasg a chyfweliadau â'r cyfryngau
- Digwyddiadau lansio, agor a cherrig milltir
- Arwyddion ar adeiladau, adeileddau a mannau allanol
- Arddangosfeydd
- Deunyddiau recriwtio staff
- Baneri, fflagiau a deunyddiau hyrwyddo printiedig
Dylai'r amlygrwydd a roddwch i gydnabod eich grant adlewyrchu faint o ariannu rydych chi wedi'i dderbyn. Er enghraifft, bydd angen lefel uwch o gydnabyddiaeth ar gyfer prosiect mawr sy’n derbyn £1m nag un llai sy’n derbyn £10,000.
Gweler ein pecyn cymorth cydnabyddiaeth am arweiniad llawn ar sut i gydnabod eich grant.
Mynnwch ysbrydoliaeth
Plac cydnabyddiaeth yn Eglwys St Mary's, Amwythig.
Stamp cydnabyddiaeth ar lawnt yn Croxteth Hall and Walled Gardens.
Stamp cydnabyddiaeth ar ddangos yn Chelsea Physic Garden.
Byrddau dehongli Dockside Stories yn dangos stampiau cydnabyddiaeth.
Plac cydnabyddiaeth yn Asgell Ogleddol Barts.
Plac yn cynnwys stamp cydnabyddiaeth ar drên Rheilffyrdd Ffestiniog ac Ucheldir Cymru.
Stamp cydnabyddiaeth yn Bowring Park.
Stamp cydnabyddiaeth wedi'i frodio yng Nghorthwr Castell Norwich.
Templedi a deunyddiau
Gallwch lawrlwytho templedi a deunyddiau isod. Gweler y
pecyn cymorth cydnabyddiaeth am arweiniad llawn ar sut i ddefnyddio'r rhain.
Templedi datganiad i'r wasg
- Templed datganiad i'r wasg y cam cyflwyno CYMRAEG
- Templed datganiad i'r wasg y cam cyflwyno SAESNEG
- Datganiad i'r wasg y cam datblygu CYMRAEG
- Datganiad i'r wasg y cam datblygu SAESNEG
Baneri a fflagiau parod i'w hargraffu
Asedau cyfryngau cymdeithasol
Cydnabod menter strategol neu ariannu cymorth grant
Mae gan ein mentrau strategol a'n rhaglenni cymorth grant eu gofynion cydnabyddiaeth eu hunain.
Dewiswch y rhaglen berthnasol isod i ddod o hyd i'r arweiniad a'r logos cydnabyddiaeth sydd eu hangen arnoch.
Mentrau strategol
Cymorth grant
Rhaglenni partneriaeth Llywodraeth Cymru
Cysylltu â ni
Os oes gennych gwestiynau am gydnabyddiaeth, gyrrwch e-bost i brand@heritagefund.org.uk.
Diweddariadau i'r arweiniad
Byddwn yn adolygu'r arweiniad hwn yn rheolaidd ac yn ymateb i adborth gan ddefnyddwyr. Rydym yn cadw'r hawl i wneud newidiadau fel y bo angen. Byddwn yn cyfathrebu unrhyw newidiadau cyn gynted â phosib trwy'r dudalen we hon.