Dod â Moby Dick yn ôl i Abergwaun

12/10/2026

Llusern fawr siâp morfil yn cael ei gorymdeithio o flaen murlun o Moby Dick

Uchafbwynt y prosiect oedd llusern yn siâp y morfil gwyn enwog. Credyd: Karel Jasper.

Wedi'i ysbrydoli gan stori cymuned arfordirol nath thrawsnewid fewn i set ffilmiau Hollywood, mae'r prosiect hwn yn cofnodi treftadaeth forwrol a ffilm leol.

Ym 1954, dewisodd y cyfarwyddwr John Huston dref fechan Abergwaun i ffilmio ei addasiad o nofel glasurol Herman Melville, Moby Dick.

I nodi 70 mlynedd ers rhyddhau'r ffilm ym 1956, cynhaliodd Ymddiriedolaeth Gymunedol Theatr Gwaun raglen o weithgareddau yn cysylltu'r darn eiconig hwn o hanes sinema â threftadaeth forwrol y dref a'r amgylchedd morol.

Casglodd grwpiau hanes lleol atgofion o gynhyrchiad y ffilm a'u rhannu mewn arddangosfa ac ar y Hanes Abergwaun website.

Gorymdaith ar fachlud haul gyda drymwyr, pibwyr a llusern siâp morfil — Mae Moby Dick yn rhan annwyl o dreftadaeth y dref. Credyd: Karel Jasper.

Gweithiodd y prosiect gydag Ymddiriedolaeth Môr Cymru i gynnal sgyrsiau a chynhyrchu byrddau arddangos am amgylchedd y môr, treftadaeth forwrol y dref, hanes morfila yn yr ardal a'r cofnodion o weld morfilod ar hyd yr arfordir.

Cafodd pobl leol gyfle hefyd i gymryd rhan mewn cyfres o weithdai gwneud llusernau cymunedol. Daeth y prosiect i ben gyda chreu llusern Moby Dick, a arweiniodd orymdaith llusernau blynyddol Abergwaun yng ngŵyl Ar Ymyl y Tir.