National Lottery Heritage Grants £10,000 to £250,000
Adeiladwyd yn wreiddiol ar gyfer y Llynges Frenhinol rhwng 1824 a 1826, ac ail-osodwyd HMS Erebus yn ddiweddarach fel llong archwilio o'r radd flaenaf.
Cymerodd ran yn alldaith Ross i'r Antarctig a nododd safle Pegwn Magnetig y De ac ymunodd ag alldaith Franklin i Arctig Canada ym 1845.
Yn ystod yr ail alldaith hon cafodd HMS Erebus ei ddal yn yr iâ wrth geisio croesi'r Northwest Passage a chafodd ei adael gan ei chriw, yn anffodus, nid oedd goroeswyr. Ni chafodd y llongddrylliad ei ddarganfod tan 2014.
Gyda'n cyllid, mae Ymddiriedolaeth Treftadaeth Doc Penfro yn nodi 200 mlynedd ers lansio'r llong gydag arddangosfa. Bydd yn cynnwys arteffactau nas gwelwyd o'r blaen o'r llongddrylliad ac yn tynnu sylw at y rôl a chwaraeodd adeiladwyr llongau lleol mewn stori sy'n ymestyn o Sir Benfro i'r moroedd pegynol.
Bydd y prosiect hefyd:
- Creu modelau graddfa, arddangosfeydd hygyrch, deunydd sain dwyieithog a lluniau fideo o safle'r llongddrylliad
- Gweithio gyda grwpiau lleol ac ysgolion i gyd-greu'r arddangosfa a dylunio adnoddau addysgol
- Cefnogi gwirfoddolwyr i feithrin sgiliau mewn ymchwil ac ymgysylltu â blaen tŷ
Dywedodd John Evans, Noddwr Canolfan Treftadaeth Doc Penfro: "Diolch i chwaraewyr y Loteri Genedlaethol, bydd y prosiect hwn yn cadw ac yn dathlu stori dreftadaeth o arwyddocâd cenedlaethol a rhyngwladol, tra'n ailsefydlu Doc Penfro fel man darganfod, crefftwaith ac archwilio.
"Trwy ailgysylltu HMS Erebus â'r gymuned a'i hadeiladodd, ein nod yw ysbrydoli balchder, dysgu a budd diwylliannol ac economaidd hirdymor i'r dref."
O longau hanesyddol i reilffyrdd eiconig, darganfyddwch fwy o brosiectau treftadaeth diwydiannol, morwrol a thrafnidiaeth rydyn ni wedi'u hariannu.
