Sut fath o beth yw'r cynnig arbennig?

O fynediad am ddim a theithiau y tu ôl i'r llenni i rodd i ddweud diolch neu baned o de, mae yna gynifer o ffyrdd o ddweud #DiolchiChi yn ystod Wythnos Agored y Loteri Genedlaethol. 

Yn flaenorol, mae cynigion poblogaidd wedi cynnwys:

• mynediad am ddim i Ganolfan Ddarganfod Jodrell Bank yn Swydd Gaer, lle gwelwyd cynnydd o 500 o ymwelwyr o gymharu â’r flwyddyn flaenorol
• mynediad am ddim i gannoedd o leoliadau'r Ymddiriedolaeth Genedlaethol 
• mynediad 2-am-1 yng Nghastell a Gerddi Hillsborough yn County Down, Gogledd Iwerddon
• gweithdai syrcas am ddim yn The Circus House, Manceinion
• teithiau am ddim o gwmpas cloestrau Cadeirlan Henffordd
• taith dywysedig am ddim yng Ngwarchodfa Natur Dove Stone yr RSPB 
• abseilio am ddim oddi ar y draphont yng Nghronfa Ddŵr King’s Mill yn Swydd Nottingham, un o’r hynaf yn Lloegr 

Edrychwch ar enghreifftiau o flynyddoedd blaenorol i gael mwy o ysbrydoliaeth.

Pam y dylech gymryd rhan?

Gallwch ddweud 'diolch' wrth chwaraewyr y Loteri Genedlaethol am yr ariannu y mae eich sefydliad wedi'i dderbyn a chydnabod eich grant. Eich cyfle chi ydyw i ddangos pa wahaniaeth mae'r cymorth hwnnw wedi'i wneud mewn ffordd glir ac uniongyrchol.

Mae hefyd yn gyfle gwych i dynnu sylw at y gwaith rydych chi'n ei wneud. Bydd llawer o amlygrwydd cyhoeddus yn cael ei roi i'r wythnos, gan gynnwys ymgyrch gyffrous yn y cyfryngau, hysbysebion a gweithgarwch ar y cyfryngau cymdeithasol.

Yn olaf, mae’n gyfle gwych i groesawu cynulleidfaoedd newydd. Dywedodd tua 70% o'r ymwelwyr a gymerodd ran yn arolwg 2021 Y Loteri Genedlaethol nad oeddent erioed wedi ymweld â'r lleoliad o'r blaen, neu o fewn y ddwy flynedd ddiwethaf. Dyna llawer o ymwelwyr newydd!

Yn 2023, dywedodd 100 y cant o brosiectau a gwblhaodd arolwg cyfranogwyr y Loteri Genedlaethol y byddent yn cymryd rhan eto.

Cymerwch ran