Yn 2021, daeth Tirwedd Llechi Gogledd-orllewin Cymru'n Safle Treftadaeth y Byd UNESCO. Mae LleCHI LleNI yn sicrhau bod y bobl sy'n byw yno yn elwa o, yn cysylltu â, ac yn cael dweud eu dweud yn nyfodol y dirwedd o'r radd flaenaf.
Mae trigolion wedi cael cyfle i gymryd rhan drwy fforwm cymunedol, cyfleoedd gwirfoddoli a hyfforddi, rhaglen amrywiol o ddigwyddiadau ac arddangosfa deithiol ar dreftadaeth llechi.
Mae cynllun grantiau bach yn darparu ariannu i grwpiau cymunedol i redeg eu prosiectau treftadaeth eu hunain a gwneud gwaith cyfalaf ar raddfa fach i helpu gwarchod nodweddion naturiol ac adeiledig unigryw y rhanbarth.
Ar yr un pryd, mae rhaglen llysgenhadon ifanc yn cefnogi pobl ifanc 13–16 oed i ddatblygu sgiliau arweinyddiaeth, creadigol a threftadaeth ac i hyrwyddo eu hardal leol.
Dywedodd Lucy Thomas, Rheolwr Prosiect LleCHI LleNI: “Mae LleCHI LleNI yn rhaglen 5 mlynedd, gan ennyn ymdeimlad cryf o gynefin a balchder lleol yn y Dirwedd Llechi, gwella lles, darparu cyfleoedd, datblygu sgiliau a hybu'r economi leol.
"O weithdai ysgolion i weithgareddau cadwraeth gymunedol, cyrsiau sgiliau traddodiadol, teithiau cerdded a hyd yn oed gŵyl bêl-droed llechi, ein nod yw darparu rhywbeth i bawb i ddathlu a chyfoethogi'r cysylltiadau dynol â threftadaeth y rhan arbennig hon o'r byd."
