Amdanom ni
Rydym wedi ymgorffori cynnwys o YouTube yma. Gan y gall YouTube gasglu data personol ac olrhain eich ymddygiad gwylio, dim ond ar ôl i chi gydsynio i'w defnydd o gwcis a thechnolegau tebyg fel y disgrifir yn eu polisi preifatrwydd y byddwn yn llwytho'r fideo. Byddwn hefyd yn gosod cwci i gofio eich dewis.
Fideo yn Saesneg yn unig
Pwy ydym ni a beth rydym yn ei wneud
Ni yw'r ariannwr grant mwyaf ymroddedig i dreftadaeth y DU. Gyda chysylltiadau lleol ac arbenigedd cenedlaethol, rydym yn wneuthurwr newid sy'n gweithio i wella a hyrwyddo gwerth treftadaeth i bawb. Ers ein sefydlu yn 1994, rydym wedi dyfarnu £8.8biliwn o'r Loteri Genedlaethol ac arian arall i fwy na 51,000 o brosiectau ledled y DU.
- Fel Cronfa Treftadaeth y Loteri Genedlaethol, rydym yn dosbarthu grantiau'r Loteri Genedlaethol o £10,000 i £10miliwn a mwy, gan ariannu prosiectau sy'n cynnal ac yn trawsnewid treftadaeth y DU.
- Fel y Gronfa Treftadaeth, rydym yn dosbarthu arian nad yw'n arian y loteri, gan gynnwys cyllid a benthyciadau cymorth grant/llywodraeth, i sefydliadau treftadaeth.
- Rydym yn darparu arweinyddiaeth a chefnogaeth ar draws y sector treftadaeth, ac yn eiriol dros werth treftadaeth.
Gall treftadaeth fod yn unrhyw beth o'r gorffennol yr ydych yn ei werthfawrogi ac eisiau ei drosglwyddo i genedlaethau'r dyfodol. Mae deall, gwerthfawrogi a rhannu ein treftadaeth yn dod â phobl at ei gilydd, yn ysbrydoli balchder mewn cymunedau ac yn hybu buddsoddiad mewn economïau lleol. Rydym yn cefnogi'r sector treftadaeth i gryfhau ei adferiad o bandemig y coronafeirws (COVID-19) ac adeiladu'n ôl ar gyfer newid cadarnhaol.
Arian y Loteri Genedlaethol
Gyda phob pryniant tocyn, mae chwaraewyr y Loteri Genedlaethol yn codi arian at achosion da. Rydym yn un o 12 dosbarthwr y cyllid yma.
Ers 1994, mae'r Loteri Genedlaethol wedi codi mwy na £48biliwn ar gyfer achosion da.
Sefydliad
Rydym yn gorff cyhoeddus di-adran sy'n atebol i'r Senedd drwy'r Adran Diwylliant, Cyfryngau a Chwaraeon (DCMS).
Mae ein penderfyniadau am geisiadau a pholisïau unigol yn gwbl annibynnol o'r llywodraeth.
Ymddiriedolwyr Cronfa Goffa'r Dreftadaeth Genedlaethol yw ein corff cyfreithiol ar gyfer gweinyddu a goruchwylio'r holl arian a freiniwyd ynom. Fe'i sefydlwyd gan y Ddeddf Treftadaeth Genedlaethol i weinyddu Cronfa Goffa'r Dreftadaeth Genedlaethol.
Cronfa Goffa'r Dreftadaeth Genedlaethol yw ein chwaer-sefydliad. Mae'n dosbarthu cyllid cymorth grant/llywodraeth i dreftadaeth y DU sydd mewn perygl o golli.
Darganfod mwy
Rydym yn bwriadu dosbarthu o leiaf £1.2bn o incwm y Loteri Genedlaethol rhwng 2019 a 2024. Mae ein Fframwaith Ariannu Strategol yn nodi ein gweledigaeth a'r egwyddorion sy'n llywio ein buddsoddiad dros y cyfnod hwn. Gwnaethom hefyd ailffocysu blaenoriaethau ar gyfer ein grantiau treftadaeth mewn ymateb i bandemig y coronafeirws (COVID-19).
