Mynnwch gip ar y gorffennol mewn tai hanesyddol, cestyll ac amgueddfeydd neu cofleidiwch natur yn ei holl ogoniant mewn llu o fannau bywyd gwyllt poblogaidd fis Mawrth yma.

I ddweud diolch am y £32 miliwn a godir ar gyfer achosion da gan chwaraewyr bob wythnos, mae lleoliadau a ariennir gan y Loteri Genedlaethol yn cynnig mynediad am ddim, gostyngiadau a bargeinion arbennig.

Gyda mwy na 600 o gynigion ar gael, y cyfan sydd ei angen arnoch i ddechrau fforio yw tocyn neu gerdyn crafu'r Loteri Genedlaethol!

Ble byddwch chi'n ymweld?

Mynediad am ddim 

Mae cannoedd o safleoedd a lleoliadau’r Ymddiriedolaeth Genedlaethol yn agor eu drysau am ddim, gan gynnwys Castell a Gardd Powis yng Nghymru, Sutton Hoo yn Suffolk, Castell Lindisfarne yn Northumberland a Florence Court yng Ngogledd Iwerddon.

Mae Ymddiriedolaeth Genedlaethol Yr Alban yn cynnig mynediad am ddim i leoedd fel The Hill House, Amgueddfa Man Geni Robert Burns a Gwarchodfa Natur Genedlaethol Glencoe.

Ewch ar daith i safleoedd Treftadaeth Lloegr rhagorol am ddim, gan gynnwysNeuadd a Gerddi Brodsworth, Castell Dover a Chastell Pendennis.

Ewch allan yn yr awyr agored ac archwiliwch warchodfeydd natur llawn bywyd yr RSPB, fel Strumpshaw Fen, Saltholme a Chonwy.

Gallwch hefyd gael mynediad am ddim i:

• Barc Cerfluniau Swydd Efrog
• Amgueddfa Man Geni Robert Burns
• Amgueddfa Brunel
• Prosiect Eden
• Abaty Delapré
• Amgueddfa Werin Ulster

Teithiau tywys am ddim

Cerddwch yn ôl troed milwr Rhufeinig yng Nghaer ac Amffitheatr Richborough, archwiliwch y 'Maritime Mile' ar hyd Glannau Hanesyddol Belfast neu neidiwch ar daith yn Rheilffyrdd Ffestiniog ac Ucheldir Cymru.

Bargeinion 2-am-1 a gostyngiad 50%

Camwch i mewn i hanes yn lleoliad eiconig Tŵr Llundain, dewch o hyd i storïau yng Nghastell Hillsborough neu olrhain hanes y gêm brydferth yn Amgueddfa Bêl-droed Yr Alban – y cyfan gyda gostyngiad 50%.

Mae safleoedd gan gynnwys y Foundling Museum, y Cutty Sark, yr Amgueddfeydd Rhyfel Ymerodrol a Sŵ Caeredin yn darparu cynigion 2-am-1.

Cynigion arbennig

Ymwelwch â Thŷ Harewood gyda thocynnau disgownt, mynnwch fynediad am ddim i blant yn y Baddonau Rhufeinig, neu profwch hedfan gyda'r Red Arrows yn theatr 4D anhygoel Amgueddfeydd yr Awyrlu Brenhinol.

Dewch o hyd i gynnig yn eich ardal chi 

Archwiliwch yr holl gynigion sydd ar gael yn ystod yr Wythnos Agored ar wefan y Loteri Genedlaethol.

Cofrestrwch ar gyfer ein cylchlythyr i glywed am gyfleoedd fel hyn yn y dyfodol.