Ynghylch y prosiect

Mae trenau ager wedi cael eu hadfer yn Boston Lodge ers bron i 200 mlynedd. Mae'n hyb sgiliau treftadaeth wrth wraidd Rheilffordd Ffestiniog ac Ucheldir Cymru, sy'n rhedeg trwy Barc Cenedlaethol Eryri, un o dirweddau Treftadaeth y Byd UNESCO. Bu i'n buddsoddiad gefnogi Paul, Edwina a'r tîm i ddod â Boston Lodge yn fyw ar gyfer ymwelwyr a denu bron i 600 o wirfoddolwyr.

Beth oeddech chi'n ei chael yn fwyaf heriol am eich cais a sut wnaethoch chi oresgyn yr heriau hyn?

Paul: Roedd yn gymhleth i esbonio ein gweledigaeth ar gyfer y prosiect. Penderfynon ni mai'r ffordd orau o esbonio'r prosiect fyddai cynhyrchu fideo eirioli 8 munud o hyd. Daeth hyn â ffocws i'n cyfathrebiadau ac roedd yn ffordd ddefnyddiol o gefnogi ein cais. Drwy gydol y broses, mae'n hanfodol cael gweledigaeth glir a gweithio allan sut i'w chyfleu'n gyflym ac yn effeithiol.

Edwina: Her arall oedd rhoi’r maint anferth o fanylder oedd eu hangen wrth wneud cais am grant cyflwyno at ei gilydd a sicrhau y cafodd hyn ei gydlynu ar draws timau. Fe wnaethon ni ddatrys hyn drwy neilltuo amser ar gyfer cyd-adolygiad terfynol.

Beth fyddech chi'n ei argymell i ddarpar ymgeiswyr dreulio mwy o amser arno wrth ddatblygu eu cais?

Edwina: Mae'n bwysig deall y berthynas rhwng eich cynllun gweithgareddau a'r gwaith cyfalaf. Yr hyn yr ydych yn bwriadu ei wneud gyda'r adeiladau ddylai yrru'r prosiect, nid yr hyn yr ydych yn ei wneud iddyn nhw.

Pa un darn o gyngor fyddech chi'n ei roi i rywun sy'n gwneud cais am ariannu am y tro cyntaf?

Edwina: Dechreuwch gyda phrosiect llai os gallwch chi. Gyrrwch ymholiad prosiect a siaradwch â'ch tîm Cronfa Treftadaeth lleol wrth i chi ddatblygu eich syniad.

Pa un peth ydych chi'n ei wybod nawr yr hoffech chi fod wedi'i wybod cyn i chi ddechrau?

Paul: Gwerth bod ar yr un dudalen â chontractwyr a gweithwyr llawrydd o'r cychwyn cyntaf. Mae'r cyfarfodydd cynnar hynny'n hanfodol i sicrhau bod eich cynlluniau a'ch disgwyliadau'n cyfateb.

Wrth gyflwyno eich prosiect, beth wnaeth eich synnu chi?

Edwina: Ces i fy synnu'n llwyr gan yr awydd am brofiad gwaith ar y rheilffordd gan ysgolion a cholegau, a hefyd gan oedolion yn dychwelyd i'r gwaith. Fe rhagoron ni i'r eithaf ar ein targedau cyfranogiad. Gofynnodd hyn am amser ychwanegol gan gydweithwyr i staffio a goruchwylio ond o ystyried y canlyniadau'n roedd yn bendant yn werth chweil.

Ar ôl y prosiect hwn, beth ydych chi'n edrych ymlaen ato fwyaf yn nyfodol y rheilffordd?

Paul: Gweithredu'n barhaol mewn ffordd fwy cynaliadwy. Mae hyn yn cynnwys mwy o wirfoddolwyr, staff sydd wedi'u hyfforddi'n well, disgwyliadau o ran cyfleusterau gwell, bod yn fwy llesol i'r amgylchedd, poeni llai am seilwaith sy'n dadfeilio ac - yn bwysicaf oll - gwybod bod ein stori'n cael ei chlywed gan gynifer mwy o bobl.

Dyma ran o gyfres o sesiynau Holi ac Ateb gyda grantïon llwyddiannus - gan helpu i ddileu dirgelwch y broses ymgeisio am brosiect a'i gyflwyno, a rhannu profiadau ar draws y sector.