Ers hynny, mae wedi bod yn un o ymddiriedolwyr Parks for London, yn aelod o Bwyllgor Archwilio Cwmni Datblygu Twristiaeth Oman ac yn aelod annibynnol o Bwyllgorau Archwilio a Risg Asiantaeth y Swyddfa Brisio, Yr Archifau Gwladol a Marie Curie.

Ar hyn o bryd mae'n ymddiriedolwr yr elusen Paintings in Hospitals ac yn aelod annibynnol o Bwyllgorau Archwilio a Risg yr Adran Busnes a Masnach a'r Canal and River Trust.

Mae Robert hefyd yn llywodraethwr ysgol ac yn ymddiriedolwr ac yn gadeirydd sefydliad elusennol bach sy'n helpu i ariannu cyfleoedd dysgu i blant agored i niwed yn Libanus. 

Magwyd Robert yn Swydd Warwick ac aeth i'r ysgol yno, wedi hynny fe astudiodd yng Ngholeg y Drindod, Rhydychen, ac mae wedi byw yn Ne-orllewin Llundain am y 40 mlynedd diwethaf. Mae ei ddiddordebau yn cynnwys hanes gwleidyddiaeth fodern, teithio, celf gyfoes, theatr ac opera, a cherdded.