Cymerwch ran yn y Diwrnod Hunlun Bysedd Croes 2026
Ddydd Iau 19 Tachwedd bydd miloedd o bobl yn postio hunluniau bysedd croes ar draws y cyfryngau cymdeithasol i gydnabod eu grant gan y Gronfa Treftadaeth a chodi hwyl ar y cyd ynglŷn â'r achosion da anhygoel y mae'r Loteri Genedlaethol yn eu hariannu.
Rydym yn edrych ymlaen at daflu sbotolau ar rai o'r prosiectau treftadaeth ysblennydd a gefnogwn. Ymunwch â'r sgwrs dreftadaeth ar-lein i ledaenu'r gair am eich prosiect a helpwch i gael #BecauseOfYou / OherwyddChi i drendio.
19 Tachwedd yw ein pen-blwydd ni – a phen-blwydd Y Loteri Genedlaethol – yn 32 oed a’r diwrnod cyntaf yr aeth tocynnau’r Loteri Genedlaethol ar werth yn ôl ym 1994. Ers hynny rydym wedi buddsoddi dros £9.2biliwn a godwyd gan chwaraewyr y Loteri Genedlaethol mewn mwy na 48,900 o brosiectau treftadaeth ar draws y DU.
Sut alla i gymryd rhan?
Rhannwch eich hunluniau bysedd croes ar unrhyw lwyfan cyfryngau cymdeithasol o’ch dewis gyda neges o ddiolch i chwaraewyr y Loteri Genedlaethol a rhowch rywfaint o wybodaeth am eich prosiect treftadaeth. Gallech hefyd ddangos rhan o’r dreftadaeth, ein logo a’n brand yng nghefndir y llun, neu aelodau staff a gwirfoddolwyr eraill sy’n ymwneud â’r prosiect.
Tagiwch ni i mewn yn @HeritageFundCYM ar Instagram, @Cronfa Treftadaeth y Loteri Gen ar Facebook a LinkedIn a defnyddiwch yr hashnod #BecauseOfYou / OherwyddChi.
Gallwch hefyd ddefnyddio Cynhyrchydd Achosion Da'r Loteri Genedlaethol i greu fideo cyfryngau cymdeithasol wedi'i deilwra i'w rannu ar draws eich sianeli. Bydd yn helpu i ddangos y gwahaniaeth y mae chwaraewyr y Loteri Genedlaethol wedi'i wneud i'ch prosiect.
Mynnwch ysbrydoliaeth
Chwilio am syniadau? Dyma rai postiadau drafft i'ch rhoi ar ben ffordd:
- Instagram: Bysedd croes a diolch o galon! Heddiw rydyn ni'n dathlu'r gwahaniaeth y mae chwaraewyr y #LoteriGenedlaethol yn ei wneud i brosiectau treftadaeth ar draws y DU, #OherwyddChi, [nodwch fanylion y prosiect]. @HeritageFundCYM
- Twitter/X: Rydyn ni'n ymuno â @HeritageFundCYM i ddathlu'r Diwrnod Hunlun Bysedd Croes a dweud diolch yn fawr anferth i chwaraewyr y #LoteriGenedlaethol! #OherwyddChi, mae ein prosiect yn [nodwch fanylion effaith y prosiect]
- LinkedIn: Rydyn ni'n falch o ymuno â @Cronfa Treftadaeth y Loteri Genedlaethol i ddathlu eu pen-blwydd yn 32 oed heddiw! #OherwyddChi, rydyn ni wedi llwyddo i [nodwch fanylion y prosiect]. Diolch yn fawr anferth i chwaraewyr y #LoteriGenedlaethol am wneud y gwaith hwn yn bosibl.
- Facebook: Rydyn ni'n ymuno â @Cronfa Treftadaeth y Loteri Genedlaethol i ddathlu effaith chwaraewyr y #LoteriGenedlaethol ar ei phen-blwydd. #OherwyddChi, rydyn ni wedi llwyddo i [nodwch fanylion y prosiect]. Diolch am wneud ein prosiect treftadaeth yn bosibl!
Mwy o fomentau i ddathlu gyda’n gilydd
Mae gennym fwy o fomentau drwy gydol y flwyddyn y gallwch chi gymryd rhan ynddynt, y maent wedi'u dylunio i helpu hyrwyddo'ch prosiect, cydnabod eich grant a rhannu treftadaeth ysbrydoliaethus ar-lein.
Dyddiadau sydd ar y gweill ar gyfer eich dyddiadur:
11 Ionawr 2027: Rhannwch eich hoff leoedd, gwrthrychau a storïau treftadaeth gyda ni ar ddiwrnod #TrysorauTreftadaeth.
13–21 Mawrth 2026: Cyfle i ddiolch i chwaraewyr y Loteri Genedlaethol am wneud eich prosiect yn bosibl gydag Wythnos Agored y Loteri Genedlaethol.